Пайвандҳои дастрасӣ

Хабари нав

Мунтахаби Тоҷикистон бо Фаластин 5 октябр рӯ ба рӯ мешавад


Дастаи мунтахаби футболи Тоҷикистон бозии байналмилалии дӯстонаро бо тими миллии Фаластин анҷом хоҳад дод. Ин бозӣ рӯзи 5 октябр дар Варзишгоҳи марказии ҷумҳуриявӣ соати 18:00 шурӯъ мешавад.

Доварони бозии байналмилалии дӯстона миёни дастаҳои мунтахаби Тоҷикистону Фаластин аз Қазоқистон ҳастанд. Довари ФИФА Денис Измайлови 39-сола сардовари бозӣ, ҳамватанони ӯ - ёварони довари ФИФА Серик Жаппасбоеви 43-сола ва Алибек Аубакирови 32-сола – доварони марзи майдон таъин шудаанд.

Ин дувумин дидори дастаҳои мунтахаби миллии Тоҷикистону Фаластин ба шумор меравад. Бозии аввали дӯстона миёни ин дастаҳо 6 сентябри соли равон дар Варзишгоҳи байналмилалии «Дура»-и шаҳри Ҳеврон бо ҳисоби мусовии 1:1 хотима ёфта буд. Нимаи аввали дидор бо ҳисоби 1:0 ба нафъи футболбозони тоҷик ба охир расид. Голи мунтахаби Тоҷикистонро Парвизҷон Умарбоев дар дақиқаи 39-ум ба ҳадаф расонд. Дар нимаи дувуми бозӣ, дар дақиқаи 50-ум, Карлос Салом, бозигари мизбонон, аз ҷаримаи 11-метрӣ ҳисобро баробар кард.

Ҳоло дар рейтинг ё раддабандии ФИФА (Федератсиони байналмилалии футбол) мунтахаби Фаластин дар мақоми 115-ум ва тими миллии Тоҷикистон дар ҷойи 144-ум қарор доранд.

Ҳаким Фузайлов, сармураббии мунтахаби Тоҷикистон, ба ҳайати даста 23 бозигарро даъват кардааст. Дар байни онҳо ҳафт легионер - шогирдони футболи тоҷик, ки дар бошгоҳҳои кишварҳои хориҷӣ бозӣ мекунанд, Абдуазиз Маҳкамов («Олой»-и Қирғизистон), Фарҳод Восиев («Оренбург», Русия), Давронҷон Эргашев («Тараз», Қазоқистон), Искандар Ҷалилов, Нуриддин Давронов (ҳарду - «Дунав»-и Булғористон), Парвизҷон Умарбоев («Локомотив», Пловдив, Булғористон) ва Ҷаҳонгир Эргашев («Динамо»-и Брести Беларус) - ҳастанд.

Ҳайати мунтахаби Тоҷикистон дар бозӣ муқобили Фаластин:

Дарвозабонҳо: Абдуазиз Маҳкамов («Олой», Қирғизистон), Алишер Додов («Регар-ТадАЗ»), Қурбоналӣ Бобоев («Истиқлол»);

Ҳимоятгарон: Фарҳод Восиев («Оренбург», Русия), Искандар Ҷалилов («Дунав», Булғористон), Давронҷон Эргашев («Тараз», Қазоқистон), Сиёвуш Асроров, Аҳтам Назаров (ҳарду – «Истиқлол»), Эраҷ Раҷабов, Ойбек Абдуғаффоров (ҳарду – «Ҳосилот»), Соҳиб Саванқулов («Барқчӣ»), Фирӯз Қараев («Регар-ТадАЗ»);

Нимҳимоятгарон: Нуриддин Давронов («Дунав», Булғористон), Парвизҷон Умарбоев («Локомотив», Булғористон), Умедҷон Шарифов («Вахш»), Амирбек Ҷӯрабоев, Фатҳулло Фатҳуллоев, Ҷаҳонгир Алиев, Нозим Бобоҷонов, Фаридун Шарифов (ҳама – «Истиқлол»);

Ҳамлагарон: Ҷаҳонгир Эргашев («Динамо», Брест, Беларус), Манучеҳр Ҷалилов («Истиқлол»), Комил Саидов («Ҳосилот»).

Шарҳҳоро бинед (3)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG