Пайвандҳои дастрасӣ

Чор медали гуштигирони ҷавони тоҷик дар қаҳрамонии ҷудои Осиё


Варзишгарони тоҷик дар мусобиқоти қаҳрамонии ҷудои Осиё байни наврасону навҷавонон, ки рӯзҳои 8-11 сентябр дар шаҳри Кӯчии Ҳиндустон баргузор шуд, чор медал – як нуқра ва се биринҷӣ – ба даст оварданд.

Паҳлавони тоҷик Акмал Муродов дар рақобатҳо дар вазни то 81 кило миёни навҷавонон барои ҷойи дувум бо медали нуқра мукофотонида шуд. Намояндаи дигари Тоҷикистон Хуршед Маҷидов дар вазни беш аз 100 кило байни навҷавонон барои ҷойи севум бо медали биринҷӣ сарфароз гашт.

Инчунин, Ҳоҷимашраб Раҳмонов, узви мунтахаби Тоҷикистон, дар сабқати навҷавонон дар вазни то 90 кило ба гирифтани медали биринҷӣ мушарраф шуд. Дар сабқати наврасон Ҷаҳонгир Маҷидов, ки дар вазни то 81кило мақоми севумро касб кард, соҳиби медали биринҷӣ гардид.

Ба иттилои Иттиҳодияи ҷудои Осиё дар ин мусобиқот варзишгарони наврасу ҷавони қора барои 16 маҷмӯи медалҳо мубориза бурданд.

Ёдовар мешавем, паҳлавонони навраси тоҷик соли гузашта дар мусобиқоти қаҳрамонии ҷудои Осиё дар Тайланд ду медал ба даст оварда буданд. Хуршед Маҷидов дар вазни беш аз 90 кило бо медали тилло ва Муҳаммадраҳим Сарахонов дар рақобатҳо дар вазни то 55 кило бо медали биринҷӣ мукофотонида шуданд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG