Аввалин медали варзишгари мустақил дар Олимпиадаи Рио

Вай дар тирандозӣ ба ду лаълича (дабл-трапе) ғолиб шуд. Ин аввалин медали Олимпиадаи соли 2016-ум мебошад, ки варзишгари мустақил соҳиб шудааст.

Ҷойи дувумро Марко Инноченти аз Италия ва ҷойи севумро Стивен Скотт аз Британияи Кабир ишғол карданд.

Фиҳад Ал Диҳанӣ соли 2002-юм дар Сидней ва соли 2012-ум дар Лондон бо медалҳои биринҷӣ мукофотонида шуда буд. Он замон ӯ дар мусобиқот ҳамчун узви дастаи мунтахаби Кувайт ширкат дошт.

Кумитаи байналмилалии олимпӣ барои ба кори Кумитаи олимпии Кувайт дахл кардани давлат мунтахаби ин кишварро ба Олимпиадаи Рио роҳ надод. Вале варзишгарони алоҳида ҳуқуқи мустақилона иштирок карданро ба даст оварданд.

Дар Олимпиадаи Рио нӯҳ варзишгари мустақил иштирок мекунанд. Соли 2012-ум дар Олимпиадаи Лондон аз чаҳор варзишгари мустақил ягон нафараш медал ба даст наоварда буд.

Нарзуллоҳи Латиф,
Рио-де-Жанейро