Дар ин бора Баҳрулло Раҷабалиев, котиби генералии Кумитаи миллии олимпии Тоҷикистон, рӯзи 14 июл ба “Озодӣ” хабар дод. Вай афзуд, " ба Тоҷикистон дар риштаи варзиши сабук як квота ҷудо шуда буд. Федератсияи варзиши сабуки Тоҷикистон Кристина Пронженкоро дар давидан ба масофаи 200 метр миёни занон, ки натиҷааш дар байни варзишгарони кишвар беҳтарин аст, барои ширкат дар Олимпиадаи Рио-2016 пешниҳод намуд. Федератсияи байналмилалии варзиши сабук (IAAF) ин пешниҳоди Федератсияи варзиши сабуки Тоҷикистонро пазируфтааст. Ба ин тартиб, Кристина Пронженко Тоҷикистонро дар Бозиҳои олимпии Рио-де-Жанейро намояндагӣ мекунад.”
Баҳрулло Раҷабалиев, инчунин иттилоъ дод, мутаассифона, номи давандаи дигари тоҷик Даврон Атабоев ба рӯйхати варзишгароне, ки дар Олимпиадаи Рио-2016 дар давидан ба масофаи 200 метр байни мардон иштирок мекунанд ва он дар сомонаи расмии Федератсияи байналмилалии варзиши сабук (IAAF) 13 июл нашр гаштааст, ворид нашудааст.
“Мо аз Федератсияи байналмилалии варзиши сабук дар бораи иштироки Даврон Атабоев дар Олимпиадаи Рио рӯзи 14 июл пурсон шудем. Ба мо гуфтанд, ки ин масъала то рӯзи 19 июл баррасӣ мешавад ва моро аз натиҷааш бохабар мекунанд”, - иброз дошт Баҳрулло Раҷабалиев.
Ёдовар мешавем, Даврон Атабоев дар мусобиқаи 19-уми байналмилалӣ оид ба варзиши сабук барои ҷоизаҳои қаҳрамони Бозиҳои олимпӣ Татяна Колпакова, ки 19 июни соли равон дар пойтахти Қирғизистон – Бишкек – доир гашт, масофаи 200 метрро дар зарфи 20,50 сония тай намуд ва меъёри муқарраршударо барои ширкат дар Бозиҳои олимпӣ иҷро кард.
Дарвоқеъ, ба рӯйхати дар сомонаи IAAF нашршуда дар давидан ба масофаи 200 метр миёни мардон ҳамагӣ 200 нафар ворид шудаанд, ки панҷ нафари онҳо аз Иёлоти Муттаҳидаи Амрико, Колумбия, Мексика, Италия ва Бразилия дар мусобиқоти квалификатсионӣ ба мисли Даврон Атабоев натиҷаи 20,50 сония нишон додаанд.
Ба ин тартиб, то имрӯз ҳафт варзишгари Тоҷикистон - Дилшод Назаров (варзиши сабук, гурзандозӣ), Комроншоҳи Устопириён ва Муҳаммадмурод Абдураҳмонов (ҳарду оид ба ҷудо), Анвар Юнусов (бокс), Анастасия Тюрина ва Олим Қурбонов (ҳарду оид ба шиноварӣ бо тарзи озод ба масофаи 50 метр) ва Кристина Пронженко (варзиши сабук, давидан ба масофаи 200 метр) ба ҳаққи ширкат дар Олимпиадаи Рио-2016 мушарраф шудаанд.
Барои гурзандози машҳури тоҷик Дилшод Назаров Бозиҳои Рио-2016 Олимпиадаи чаҳорум ба шумор меравад. Муштзани маъруфи тоҷик Анвар Юнусов бошад, барои бори севум дар Бозиҳои олимпӣ иштирок хоҳад кард. Панҷ варзишгари дигари Тоҷикистон барои аввалин бор дар Бозиҳои олимпӣ ширкат меварзанд.
Зик нашавед аввал худашро бай кайд гирифт баъдтар хама коди барномахои ин кумитаро бо воситаи хамин адерсаш гирифта тамоми молиёташро аз худаш мекунад. Цукерберг ХАКЕР аст аз ба кайд гирифтан ба вай фоида хаст ки зарар не. ТАК ЧТО ВАКТ ИНРО МУАЙЯН МЕКУНАД....
Цукерберг бояд андоз супорад. Чан сол шуд фейсбук кор мекунад. Агарне байкот кардан лозим
Хамин забони точики барои шумо душвор аст чи? Борик аз тунук фарк дорад. Кабати пирях борик шуд ё тунук?
Хулоса хамин одам ягон кори ночое накардааст максад аз ин кор алоби чашми мардуми Исфараро паронданиян, ки бо як кори ночизе метавонед паси панчара нишинед! Парво накун бо сари баланд паси панчара мешини мухим он аст ки нангу номусро аз даст надоди!
Агар барои хукумати Точикистон ту сумдор бошиву ту хабаркашу дуруг гуву патхалим боши ту устоди хунар хисоб мешави. Вай дар даврони шурави хукумати Точикистон ном мениходанд. Хозир хукумати Оилави дар чоеаи мо хукумфармост. Дар вучуди онхо факат сум чамъ куниву вазифа фурушиву хушу таборошонро савод надошта бошанд хам вазиру хокиму дигару дигар таъин кунанд шуд. Халки бечора мемурадми мехурадми гайб мезанадми парво надоранд.