Пайвандҳои дастрасӣ

Хабари нав

«Истиқлол» бе Ҷаҳонгир Ҷалилов ва Давронҷон Эргашев ба Урдун рафт


«Истиқлол» барои бозӣ бо «Ал-Файсалӣ» бидуни Ҷаҳонгир Ҷалилов ва Давронҷон Эргашев ба Урдун сафар кард.

Дастаи «Истиқлол»-и Душанбе, қаҳрамони феълии Тоҷикистон, ки рӯзи 24 апрел ба пойтахти Урдун - шаҳри Аммон - расид, бозии даври панҷуми марҳилаи гурӯҳии Ҷоми AFC (Конфедератсияи футболи Осиё)-2016-ро бо дастаи мизбон - «Ал- Файсалӣ» - анҷом медиҳад. Ин бозӣ рӯзи сешанбеи 26 апрел дар варзишгоҳи “Шоҳзода Муҳаммад”-и шаҳри Аммон соати 14:30 ба вақти маҳаллӣ ва 16.30 ба вақти Душанбе шурӯъ мешавад.

Ситоди мураббиён бо раҳбарии Мубин Эргашев, сармураббии “Истиқлол” , ба ҳайати даста 16 футболбозро дохил кардааст. Вале ду бозигари калидии даста - ҳимоятгарон Ҷаҳонгир Ҷалилов ва Давронҷон Эргашев, ки дар бозиҳои пешин кортҳои барзиёди зард гирифтаанд, ба дархости даста барои бозӣ бо “Ал-Файсалӣ” дохил нашудаанд.

Ҳайати «Истиқлол» дар бозӣ муқобили «Ал-Файсалӣ»:

Дарвозабонҳо - Никола Стошич, Қурбоналӣ Бобоев.

Ҳимоятгарон - Аҳтам Назаров, Сиёвуш Асроров, Петро Ковалчук, Маҳдӣ Чоҳҷӯӣ.

Нимҳимоятгарон - Нуриддин Давронов, Фатҳулло Фатҳуллоев, Парвизҷон Умарбоев, Акмал Холматов, Дилшод Восиев, Нозим Бобоҷонов, Фаридун Шарифов, Ҷаҳонгир Алиев.

Ҳамлагарон - Манучеҳр Ҷалилов, Александр Каблаш.

“Истиқлол” дар марҳилаи гурӯҳии Ҷоми AFC-2016 дар гурӯҳи «В» бо дастаҳои «Нафт Ал-Васат»-и Ироқ, «Ал-Файсалӣ»-и Урдун ва «Триполи»-и Лубнон рақобат мекунад.

Дар ҳамин ҳол “Нафт Ал-Васат” бо 9 имтиёз дар ҷадвали гурӯҳи “В” дар мақоми аввал аст. «Ал-Файсалӣ» бо 8 имтиёз дар мақоми дувум ва «Триполи» бо 4 имтиёз дар мақоми севум қарор доранд. “Истиқлол” бо як имтиёз дар зинаи охирин – чаҳорум - ҷойгир шудааст.

«Истиқлол», ки 12 апрел дар даври чоруми марҳилаи гурӯҳии Ҷоми AFC-2016 аз тими “Нафт Ал-Васат”, қаҳрамони феълии Ироқ, бо ҳисоби 0:1 мағлуб гашт, шанси ба даври баъдӣ роҳ ёфтанро комилан аз даст додааст.

Ҷоми АFC-2016

Мавқеи дастаҳо дар ҷадвали сабқати гурӯҳи “В”

Ҷ

ДАСТАҲО

Б

Ғ

М

Б

Т

И

1.

«Нафт Ал-Васат» (Ироқ)

4

3

0

1

5-2

9

2.

«Ал-Файсалӣ» (Урдун)

4

2

2

0

6-3

8

3.

«Триполи» (Лубнон)

4

1

1

2

4-6

4

4

«Истиқлол» (Тоҷикистон)

4

0

1

3

1-5

1

Бозиҳои боқимонда

Даври 5-ум

26 апрел (сешанбе)

«Ал-Файсалӣ» (Урдун) – «Истиқлол» (Тоҷикистон)

«Триполи» (Лубнон) – «Нафт Ал-Васат» (Ироқ)

Даври 6-ум

10 май (сешанбе)

«Истиқлол» (Тоҷикистон) – «Триполи» (Лубнон)

«Нафт Ал-Васат» (Ироқ) – «Ал-Файсалӣ» (Урдун)

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG