Ҳашт даста ба марҳилаи ниҳоии Ҷоми ФФТ роҳ ёфт

феврал 27, 2016

Нарзуллоҳи Латиф

Ҳашт дастаи беҳтарин аз минтақаҳои Душанбе ва Суғду Хатлон ба марҳилаи ниҳоии Ҷоми ФФТ роҳхат гирифт.

Мусобиқоти марҳилаи пешакии Ҷоми Федератсияи футболи Тоҷикистон (ФФТ) дар минтақаи Душанбе бо пирӯзии дастаи “Регар-ТадАЗ»-и Турсунзода ба анҷом расид. Ба ҷуз “Регар-ТадАЗ”, дастаҳои ССКА «Помир»-и Душанбе, «Истиқлол»-и Душанбе ва «Хайр»-и Ваҳдат ба ҳаққи ширкат дар марҳилаи ниҳоӣ мушарраф шуданд.

Ба ин тартиб, «Регар-ТадАЗ» ва «Хайр» дар марҳилаи ниҳоии Ҷоми ФФТ дар гурӯҳи «Б», ССКА «Помир» ва «Истиқлол» дар гурӯҳи «А» рақобат мекунанд.

Ҷ	ДАСТАҲО	Б	Ғ	М	Б	Т	И
1	«Регар-ТадАЗ» (Турсунзода)	7	6	1	0	34-4	19
2	ССКА «Помир» (Душанбе)	7	5	0	2	33-8	15
3	«Истиқлол» (Душанбе)	7	4	1	2	28-10	13
4	«Хайр» (Ваҳдат)	7	3	3	1	15-7	12
5	«Помир» (Душанбе)	7	2	2	3	8-18	8
6	«Кӯктош» (Рӯдакӣ)	7	2	2	3	16-38	8
7	«Барқи тоҷик» (Душанбе)	7	1	1	5	3-24	4
8	«Локомотив» (Душанбе)	7	0	0	7	3-31	0

Марҳилаи пешакии Ҷоми ФФТ дар минтақаи Суғд низ хотима ёфт. Аз рӯи натиҷагирии сабқати минтақавӣ дастаҳои «Хуҷанд» ва «Қайроққум» ба марҳилаи ниҳоӣ роҳ ёфтанд.

Гурӯҳи "А":

Ҷ	ДАСТАҲО	Б	Ғ	М	Б	Т	И
1	«Қайроққум» (Қайроққум)	3	2	1	0	9-5	7
2	«Эсхата» (Хуҷанд)	3	1	1	1	7-6	4
3	«Спитамен» (Спитамен)	3	1	1	1	7-8	3
4	«Парвоз» (Бобоҷон Ғафуров)	3	0	1	2	4-8	1

Гурӯҳи "Б":

Ҷ	ДАСТАҲО	Б	Ғ	М	Б	Т	И
1	«Хуҷанд» (Хуҷанд)	4	4	0	0	20-3	12
2	«Ашт» (Ашт)	4	2	1	1	9-10	7
3	«Пионерпласт» (Бобоҷон Ғафуров)	4	2	0	2	7-6	6
4	«Далерон-Ӯротеппа» (Истаравшан)	4	1	0	3	6-10	3
5	МТО (Хуҷанд)	4	0	1	3	2-15	1

Дастаҳои «Вахш»-и Қӯрғонтеппа ва «Саройкамар»-и Панҷ аз минтақаи Хатлон дар қисми ниҳоии Ҷоми ФФТ бозӣ хоҳанд кард. Ҳаду даста, ки дар бозиҳои даври ниманиҳоии марҳилаи пешакӣ дар минтақаи Хатлон пирӯзӣ ба даст оварданд, ба финал баромаданд. Бозии ниҳоӣ, ки рӯзи 26 феврал дар Варзишгоҳи марказии ноҳияи Данғара баргузор шуд,бо ғалабаи “Вахш” бо ҳисоби 2:0 ба охир расид.

Ҳамин тариқ, дар қисми ниҳоии Ҷоми ФФТ, ки ҳафтаи оянда дар Душанбе шурӯъ мешавад,«Вахш» дар гурӯҳи “Б” ва «Саройкамар» дар гурӯҳи«А» бозӣ хоҳанд кард.