Пайвандҳои дастрасӣ

Ду медали паҳлавонони тоҷик дар Маккаи Мукаррама


Акс аз бойгонӣ

​Варзишгарони тоҷик дар мусобиқаи қаҳрамонии дзюдо байни наврасону навҷавонони кишварҳои арабӣ дар Маккаи Арабистони Саудӣ ду медали биринҷӣ ба даст оварданд.

Варзишгарони ҷавони тоҷик дар мусобиқаи қаҳрамонии дзюдо байни наврасону навҷавонони кишварҳои арабӣ, ки дар шаҳри Маккаи Мукаррама (Арабистони Саудӣ) баргузор шуд, соҳиби ду медали биринҷӣ гардиданд. Дар ин бора ба Радиои Озодӣ рӯзи 30-юми январ аз Федератсияи дзюдои Тоҷикистон хабар доданд.

Ба иттилои ин манбаъ, дар ин мусобиқа се паҳлавони ҷавони тоҷик - Ёсин Неъматов (66 кг), Раҳмихудо Шарифов (81 кг) ва Хуршед Маҷидов (90 кг) дар ҳайати дастаи Имороти Муттаҳидаи Араб ширкат карданд. Ёсин Неъматов ва Хуршед Маҷидов, ки ҷойҳои севумро гирифтанд, бо медалҳои биринҷӣ мукофотонида шуданд.

Ба иттилои Федератсияи дзюдои Тоҷикистон, инчунин паҳлавони дигари тоҷик Маҳмадрасул Сайидумаров дар мусобиқаи кушодаи қаҳрамонии Беларус, ки дар шаҳри Могилёв баргузор шуд, дар рақобатҳо дар вазни зери 73 кг барои ҷойи севум бо медали биринҷӣ сарфароз гашт.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG