Пайвандҳои дастрасӣ

Хабари нав

Шикасти озариҳо аз тими наврасони тоҷик бо ҳисоби 2-1


Мунтахаби наврасони футболи Тоҷикистон дар нахустин бозиаш дар Ҷоми раиси ҷумҳури Қазоқистон дар Остона бар дастаи Озарборйҷон бо ҳисоби 2-1 ғалаба кард.

Имрӯз, 25-уми июн, мунтахаби наврасони футболи Тоҷикистон (U-16) дар нахустин бозиаш дар Ҷоми раиси ҷумҳури Қазоқистон дар Остона бар дастаи Озарборйҷон бо ҳисоби 2-1 ғалаба кард.

Голҳои мунтахаби Тоҷикистонро Муҳаммадҷон Шарифов ва Худойдод Узоқов ба самар расонданд.

Мусобиқаи 7-уми байналмилалӣ барои дарёфти Ҷоми раисиҷумҳури Қазоқистон дар пойтахти Қазоқистон – Остона – бо ширкати 6 даста дар ду гурӯҳ ҷараён дорад. Ба гурӯҳи «А» дастаҳои Гурҷистон, Қазоқистон ва Қирғизистон, ба гурӯҳи «В» Испания, Озарбойҷон ва Тоҷикистон дохиланд.

Мунтахаби наврасони Тоҷикистон бозии дувумашро 26-уми июн бо мунтахаби Испания анҷом медиҳад.

Салоҳиддин Ғафуров, сармураббии дастаи мунтахаби наврасони Тоҷикистон, дар суҳбат бо Радиои Озодӣ гуфт, «ба ҳайати даста 18 бозигар, аз он ҷумла 2 дарвозабон, 6 ҳимоятгар, 6 нимҳимоятгар ва 4 ҳамлагар дохиланд. Ин мусобиқа барои мо як давраи омодагӣ ба мусобиқаи интихобии қаҳрамонии Осиё-2016 маҳсуб мешавад. Бачаҳои мо боз имкон пайдо карданд, ки таҷоруби хуби байналмилалӣ касб кунанд.»

Сӯҳбати Салоҳиддин Ғафоров
лутфан мунтазир бошед
Embed

Феълан кор намекунад

0:00 0:05:25 0:00
Линки мустақим

Маблағи ҷавоизи мусобиқа 20 ҳазор доллари амрикоиро ташкил медиҳад. Дастаи ғолиб 10 ҳазор доллар мегирад. Барои ҷойи дувум 6 ҳазор ва барои ҷойи севум 4 ҳазор доллари ИМА муқаррар шудааст.

Ҳайати мунтахаби футболи наврасони Тоҷикистон (U-16):

Дарвозабонҳо: Беҳрӯз Хайриев («Нури Норак»), Шаҳром Исмоилов («Вахш»).
Ҳимоятгарон: Сироҷиддин Гулмуродов, Алишер Сафаров, Табрези Давлатмир (ҳарду – «Истиқлол»), Абубакр Азимов («Равшан»), Алишер Баротов («Вахш»), Зоир Ҷӯрабоев (ССКА «Помир»).
Нимҳимоятгарон: Кароматулло Саидов, Худойдод Узоқов (ҳарду – «Вахш»), Ҳокимҷон Ҳасанов («Энергетик»), Муҳаммадҷони Ҳасан («Равшан»), Шаҳбози Шарифӣ (РШВСМ), Эҳсони Панҷшанбе («Истиқлол»).

Ҳамлагарон: Собирҷон Гулаков, Рустам Толибов, Муҳаммадҷон Шарифов (ҳама – РШВСМ), Нуриддин Ҳамроқулов («Вахш»).
Сармураббӣ: Салоҳиддин Ғафуров.

Тақвими бозиҳои Ҷоми раисиҷумҳури Қазоқистон -2014

Даври 1-ум

25 июн (чоршанбе)

11.00 - Озарбойҷон - Тоҷикистон – 1-2

18.00 – Қазоқистон - Қирғизистон

Даври 2-юм

26 июн (панҷшанбе)

15.00 – Гурҷистон - Қазоқистон

18.00Тоҷикистон – Испания

Даври 3-юм

27 июн (ҷумъа)

15.00 – Испания – Озарбойҷон

18.00 – Қирғизистон – Гурҷистон

29 июн (якшанбе)

11.00 – Бозӣ барои ҷойҳои 5-6-ум

13.00 – Бозӣ барои ҷойҳои 3-4-ум

18.00 – Финал

Эзоҳ: замони оғози бозиҳо - ба вақти Душанбе.

Шарҳҳоро бинед (2)

Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG