Пайвандҳои дастрасӣ

Хабари нав

Бозигари «Зарафшон» як сол аз ҳаққи ширкат дар мусобиқот маҳрум шуд


Мазбудҷон Бурҳонов, бозигари «Зарафшон»-и Панҷакент, ба муҳлати як сол аз ҳаққи ширкат дар мусобиқоти футболи Тоҷикистон маҳрум шуд.

Бо тасмими кумитаи назорату ахлоқи Федератсияи футболи Тоҷикистон (ФФТ) Мазбудҷон Бурҳонов, бозигари «Зарафшон»-и Панҷакент, ки дар бозии мусобиқоти лигаи аввал бо «Эсхата»-и Хуҷанд, сардоварро задааст, як сол аз ҳаққи ширкат дар мусобиқот маҳрум ва ба маблағи 1500 сомонӣ ҷарима карда шуд.

Дар ҷаласаи кумитаи назорату ахлоқи ФФТ, ки рӯзи 23-юми июн баргузор шуд, инчунин, барои вайрон кардани кодекси ахлоқи ФФТ бозигарони дастаҳои мухталифи лигаҳои олӣ ва аввали кишвар муҷозот шуданд:


Зафар Додоев, бозигари «Далерон-Ӯротеппа»-и Истаравшан ва Далер Шомуродов, бозигари «Регар-ТадАЗ», аз ҳаққи ширкат дар 3 бозӣ маҳрум ва ба маблағи 1000 сомонӣ, Абдусамад Хоҷибоев , бозигари «Далерон-Ӯротеппа» ва Бахтиёр Каландаров, бозигари «Регар-ТадАЗ» аз ҳаққи ширкат дар 2 бозӣ ва 300 сомонӣ, Ҷӯрабой Ҷӯраев, бозигари «Қайроққум»-и Қайроққум аз ҳаққи ширкат дар 3 бозӣ ва 250 сомонӣ, Умед Ҳоҷимаҳмадов, бозигари «Шаҳристон»-и Шаҳристон, аз ҳаққи ширкат дар 10 бозӣ ва 1500 сомонӣ, Нуриддин Аҳмадов, бозигари «Канд»-и Канд ва Хайём Усмонов, бозигари «Зарафшон»-и Панҷакент, аз ҳаққи ширкат дар 1 бозӣ ва 150 сомонӣ ҷарима карда шуданд.

Баҳодур Сӯфиев, сармураббии ҳайати ҷавонони «Истиқлол»-и Душанбе аз ҳаққи ширкат дар 3 бозӣ ва 500 сомонӣ ҷарима баста шуд.

Ба ҷуз ин, бошгоҳҳои футболи «Регар-ТадАЗ»-и Турсунзода ва «Зарафшон»-и Панҷакент ба маблағи 500 сомонӣ, «Хайр»-и Ваҳдат ба маблағи 1000 сомонӣ ҷарима карда шуданд.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG