Дабири кулли Паймони Атлантики Шимолӣ Андерс Фоғ Расмуссен қарор аст, рӯзи 19 май дар як нишасти хабарӣ дар ситоди НАТО дар Бруссел дар бораи бӯҳрони Украина суҳбат кунад. НАТО ба Русия ҳамроҳ карда шудани Қримро маҳкум карда буд. Эътилоф ҳамчунин Маскавро айбдор кард, ки барои коҳиши шиддат дар шарқи Украина коре накард ва ҷудоихоҳони рӯбарусияи мусаллаҳ биноҳои маъмуриро ишғол намуданд.