Илҳомҷон Ёқубов, раиси бахши вилоятии ҳизби наҳзати исломии Тоҷикистон (ҲНИТ) дар Суғд ба Озодӣ гуфт, сафорати Амрико ба ӯ ва сухангӯи ҲНИТ Маҳмудҷони Файзраҳмон раводиди сафар ба Амрико надодааст. Ба гуфтаи Ёқубов, сафорати Амрико сабаби ин тасмимашро шарҳ надодааст. Илҳомҷон Ёқубов афзуд, ки онҳо мебоист дар Амрико дар як анҷуман оид ба масоили мазҳабӣ ширкат мекарданд.