Ба иттилоъи дафтари матбуоти Федератсияи футболи Тоҷикистон бозии байналмилалии дӯстона миёни тимҳои миллии Тоҷикистону Афғонистон рӯзи якшанбеи 4-уми май, соати 18:00 дар Варзишгоҳи марказии шаҳри Душанбе баргузор мешавад. Нархи билети тамошои ин бозӣ дар ҳамаи минбарҳои варзишгоҳ як хел - 5 сомонӣ - муқаррар шудааст.
Довари FIFA Александр Алиеви 27-сола аз шаҳри Алмаатои Қазоқистон сардовари ин бозӣ таъин шудааст. Ба ӯ ёварони довари FIFA Сергей Васютини 27-сола ва Самад Тергеусизови 28-сола (ҳарду аз Алмаато) ба ҳайси доварони марзи майдон кӯмак хоҳанд кард.
Александр Алиев ба ҳайси футболбоз дар дастаҳои «Алмаато», «Тараз» ва мунтахаби наврасони Қазоқистон (U-19) бозӣ кардааст. Аз соли 2013 довари ФИФА буда, бозиҳои премйер-лигаи Қазоқистонро аз соли 2012 доварӣ мекунад.
Вай бозии даври аввали интихобии Лигаи қаҳрамонҳои УЕФА миёни дастаҳои «Ширак» (Арманистон) ва «Тре Пенне» (Сан-Марино), бозиҳои мусобиқоти футболи Универсиадаи ҷаҳониро дар Қазон, инчунин, бозии дӯстонаро байни дастаҳои мунтахаби Озарбойҷон ва Малта (3:0) доварӣ кардааст.
Довари FIFA Александр Алиеви 27-сола аз шаҳри Алмаатои Қазоқистон сардовари ин бозӣ таъин шудааст. Ба ӯ ёварони довари FIFA Сергей Васютини 27-сола ва Самад Тергеусизови 28-сола (ҳарду аз Алмаато) ба ҳайси доварони марзи майдон кӯмак хоҳанд кард.
Александр Алиев ба ҳайси футболбоз дар дастаҳои «Алмаато», «Тараз» ва мунтахаби наврасони Қазоқистон (U-19) бозӣ кардааст. Аз соли 2013 довари ФИФА буда, бозиҳои премйер-лигаи Қазоқистонро аз соли 2012 доварӣ мекунад.
Вай бозии даври аввали интихобии Лигаи қаҳрамонҳои УЕФА миёни дастаҳои «Ширак» (Арманистон) ва «Тре Пенне» (Сан-Марино), бозиҳои мусобиқоти футболи Универсиадаи ҷаҳониро дар Қазон, инчунин, бозии дӯстонаро байни дастаҳои мунтахаби Озарбойҷон ва Малта (3:0) доварӣ кардааст.
