Пайвандҳои дастрасӣ

Рақибони Тоҷикистон - Кореяи Ҷанубӣ, Тайланд ва Ироқ


Рӯзи 18-уми март дар қароргоҳи Конфедератсияи футболи Осиё – Куала-Лумпур - қуръакашии марҳилаи ниҳоии мусобиқаи қаҳрамонии Осиё-2014 байни наврасон баргузор шуд.

Аз рӯи натоиҷи қуръакашӣ мунтахаби наврасони Тоҷикистон (U-14) ба гурӯҳи «В» шомил шуд ва бо тимҳои Кореяи Ҷанубӣ, Тайланд ва Ироқ рақобат хоҳад кард. Ба гурӯҳи «А» дастаҳои Эрон, Арабистони Саудӣ, Кореяи Шимолӣ ва Тимори Шарқӣ дохил шуданд.

Бояд гуфт, ки мусобиқаи қаҳрамонии Осиё байни наврасони синашон то 14-сола аз 4-ум то 13-уми август дар шаҳри Ҳамадони Эрон барпо мегардад. Сабқати гурӯҳӣ аз як давра иборат аст. Ду дастаи беҳтарин аз ҳар як гурӯҳ ба нимфинал мебароянд. Бозиҳои ниманиҳоӣ 11-уми август ва бозии ниҳоӣ 13-уми август баргузор мешаванд.

Футболбозони навраси тоҷик бо раҳбарии сармураббӣ Раҷаб Расулов 5-уми август муқобили дастаи Тайланд, 7-уми август бо мунтахаби Ироқ ва 9-уми август бо Кореяи Ҷанубӣ бозӣ мекунанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG