Пайвандҳои дастрасӣ

Хабари нав

Раиси ФИФА ба Тоҷикистон меояд


Йозеф Блаттер, раиси Федератсияи байналмилалии футбол (ФИФА), бо сафари дурӯзаи расмӣ 24-уми март ба Душанбе меояд.

Дар доираи сафари худ раҳбари футболи ҷаҳон дар Соли футболи оммавӣ аз Тоҷикистон дидан карда, дар бозӣ барои Ҷоми олӣ, ки рӯзи 25-уми март дар Варзишгоҳи марказии ҷумҳуриявӣ миёни дастаҳои «Равшан»-и Кӯлоб ва «Истиқлол»-и Душанбе баргузор мешавад, ширкат мекунад.

Дар ин бора сомонаи Федератсияи футболи Тоҷикистон хабар додаааст. Ба иттилои ФФТ маросими кушоиши ботантанаи Соли футболи оммавӣ дар Тоҷикистон 25-уми март дар Варзишгоҳи марказии Душанбе барпо мегардад. Дар доираи ин чорабинӣ фестивали футбол барои кӯдакон аз рӯи барномаи «Grassroots» доир хоҳад шуд.

Ҳангоми сафари расмии Йозеф Блаттер, инчунин, мулоқоти ӯ бо мақомоти олии Тоҷикистон ва раҳбарони Федератсияи футболи кишвар дар назар аст.

Шарҳҳоро бинед (12)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG