Пайвандҳои дастрасӣ

Хабари нав

Хуршед Маҳмудов ба «Истиқлол» гузашт


Хуршед Маҳмудов, собиқ бозигари дастаи «Регар-ТадАЗ»-и Турсунзода, ба тими «Истиқлол»-и Душанбе гузашт.

Бошгоҳи футболи «Истиқлол» бо Хуршед Маҳмудов то охири мавсими имсола шартнома баст. Вай дар ҳайати «Истиқлол» дар ҷамъомади таълимиву тамринии даста дар шаҳри Қайроққум ширкат дорад. Ӯ аллакай дар якчанд бозии санҷишии даста ширкат кардааст.

Ёдовар мешавем, ки пеш аз Маҳмудов «Истиқлол» ҳайаташро бо футболбозони африқоӣ аз Гана – нимҳимоятгар Дэвид Мауто («Равшан»-и Кӯлоб) ва дарвозабон Силванус Эванс («Вахш»-и Қӯрғонтеппа), инчунин, ҳамлагари бразилӣ Жосимар Насименто ва ҳамлагари мунтахаби Тоҷикистон Комил Саидов («Регар-ТадАЗ) пурқувват кардааст.

Шарҳи ҳол
Хуршед Маҳмудов 8-уми августи соли 1982 дар шаҳри Душанбе ба дунё омадааст. Қадаш - 176 см, вазнаш - 77 кг. Дар дастаҳои «Варзоб» (Душанбе) - 2001, «Регар-ТадАЗ» (Турсунзода) – 2002-2013 бозӣ кардааст. Устоди варзиши дараҷаи байналмилалӣ. Қаҳрамони ҳашткаратаи Тоҷикистон. Барандаи чоркаратаи Ҷоми Тоҷикистон. Барандаи Ҷоми даъвати АФК-2006. Барандаи секаратаи Ҷоми раиси АФК. Беҳтарин бозигари Ҷоми раиси АФК, 2008-2009. Беҳтарин футболбози Тоҷикистон – 2005, 2006, 2008, 2011. Аз соли 2004 дар ҳайати мунтахаби миллии Тоҷикистон 29 бозӣ карда, 7 гол задааст.

Шарҳҳоро бинед (7)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG