Пайвандҳои дастрасӣ

Се медали муштзанҳои ҷавони тоҷик дар қаҳрамонии Осиё


Варзишгарони тоҷик дар мусобиқаи қаҳрамонии бокси Осиё байни ҷавонон як медали нуқра ва ду нишони биринҷӣ ба даст оварданд .

Ин мусобиқаи қитъавии муштзанҳои солҳои таваллудашон 1996-1997 дар пойтахти Тайланд – Бангкок баргузор шуд.

Шаббос Неъматуллоев дар рақобатҳо дар вазни то 69 кг барои ба даври ниманиҳоӣ роҳ ёфтан бар Ши-Эн Мэй аз Тайван аз рӯи имтиёз бо ҳисоби 3:0 ғолиб омад. Баъдан ӯ дар нимфинал бар Маеҷит аз Ҳиндустон дастболо шуд. Вале муштзани ҷавони тоҷик дар қувваозмоии ниҳоӣ аз Бектемир Мелиқузиеви узбак шикаст хӯрд ва дар натиҷа мақоми дувумро касб карда, бо медали нуқра сарфароз гашт.

Ду намояндаи дигари Тоҷикистон - Меҳрубон Сангинов дар вазни то 75 кг ва Далерҷон Сулаймонов дар вазни беш аз 91 кг барандагони медалҳои биринҷӣ шуданд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG