Пайвандҳои дастрасӣ

Се муштзани тоҷик дар қаҳрамонии Осиё бо медалҳо сарфароз мешаванд


Се варзишгари тоҷик ба даври ниманиҳоии мусобиқаи қаҳрамонии бокси Осиё байни ҷавонон роҳ ёфт.

Ин мусобиқаи қитъавӣ дар пойтахти Тайланд – Бангкок ҷараён дорад. Муштзанҳои ҷавони тоҷик - Шаббос Неъматуллоев, Меҳрубон Сангинов ва Далерҷон Сулаймонов, ки ба нимфинал баромаданд, ҳадди ақал бо медалҳои биринҷии мусобиқа мукофотонида мешаванд.

Шаббос Неъматуллоев дар рақобатҳо дар вазни то 69 кг барои ба даври ниманиҳоӣ роҳ ёфтан бар Ши-Эн Мэй аз Тайван аз рӯи имтиёз бо ҳисоби 3:0 ғолиб омад. Шаббос дар нимфинал бо Маеҷит аз Ҳиндустон рақобат мекунад.

Меҳрубон Сангинов дар вазни то 75 кг дар даври аввал бар намояндаи дастаи мизбон - Саун Пунгпун аз Тайланд дастболо шуд. Рақиби Меҳрубон низ дар даври ниманиҳоӣ муштзани Ҳиндустон Нил Камол Сингх мебошад.

Ба муштзани дигари тоҷик Далерҷон Сулаймонов дар вазни то 91 кг барои ба финал баромадан зарур аст, ки бар Тони Атталлоҳ аз Сурия пирӯз шавад.

Мусобиқаи қаҳрамонии бокси Осиё байни ҷавонон, ки дар Бангкок 24-уми январ шурӯъ шуда буд, 31-уми январ ба анҷом мерасад. Ширкаткунандагони ин мусобиқа - варзишгарони солҳои таваллудашон 1996-1997 - барои 10 маҷмӯи медалҳо мубориза мебаранд. Қувваозмоиҳои ниҳоӣ рӯзи ҷумъа баргузор мешаванд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG