Ратко Младич, генерали собиқи артиши сербҳои Боснӣ, Додгоҳи Созмони Милал барои ҷиноятҳои ҷангии Югославияи собиқро, “додгоҳи шайтонӣ” номид. Ратко Младичро барои шаҳодат дар муҳокимаи Радован Караҷич, фармондеҳи соби-и артиши сербҳои Боснӣ ба додгоҳ ҳозир карданд. Ҳарду генерали серб алоҳида ва бо иттиҳоми ҷиноят алайҳи башарият ва наслкушӣ дар ҷангҳои солҳои 1992-95 дар Босния муҳокима мешаванд. Додситонҳо мегӯянд, ки Младич ва Караҷич дар қатли дастаҷамъии 8 ҳазор босниҳои мусулмон даст доранд. Моҳи июли соли 1995 дар шаҳри Сребренитса, сербҳои боснӣ 8 ҳазор мардону наврасонро кушта ва дар дастаҷамъӣ зери хок карданд. Ҳарду муттаҳам мегӯянд, ки бегуноҳ ҳастанд.