Пайвандҳои дастрасӣ

Хабари нав

Рақиби “Равшан” дар Ҷоми АФК-2014 - “Ал-Ярмук Ал-Равда”


Бар асоси тасмими Конфедератсияи футболи Осиё (AFC) соли оянда дар Ҷоми AFC-2014 аз Тоҷикистон танҳо як даста – қаҳрамони кишвар ширкат хоҳад кард.

Дастаи “Равшан”-и Кӯлоб, ки имсол боз ба унвони қаҳрамони Тоҷикистон даст ёфт, ба ҳаққи ширкат дар Ҷоми AFC-2014 мушарраф шудааст.

Рақиби «Равшан» дастаи “Ал-Ярмук Ал-Равда” аз кишвари Яман мебошад. Бозии интихобӣ - Плей- офф (Play-off) миёни ин дастаҳо, ки бо тасмими AFC танҳо аз як бозӣ иборат аст, рӯзи 2-юми феврали соли 2014 дар майдони “Равшан” барпо мегардад.

Ёдовар мешавем, ки дастаи «Равшан» ба ҳайси қаҳрамони кишвар ва тими «Регар-ТадАЗ»-и Турсунзода ҳамчун барандаи Ҷоми Тоҷикистон-2012 соли гузашта дар Ҷоми AFC-2013 иштирок карда буданд.

Вале бинобар нокомӣ ва натоиҷи пасти ҳарду даста дар ин мусобиқаи қитъавӣ АFC қарор додааст, ки соли оянда аз Тоҷикистон танҳо як тим дар марҳилаи интихобӣ - Плей-офф иштирок кунад.

Дар ин бора ба Радиои Озодӣ Ҷовидон Бобоев, сухангӯи бошгоҳи футболи «Равшан», рӯзи 3-юми декабр хабар дод.

Бояд тазаккур дод, ғолибони бозиҳои плей-офф ба даври гурӯҳии мусобиқот роҳ меёбанд. Ба ҷуз бозии «Равшан» - “Ал-Ярмук Ал-Равда”, рӯзи 2-юми феврал дар бозии дигари плей-офф қаҳрамони Фаластин - бошгоҳи «Шабоб Ал-Таҳрӣ» дар майдони худ бо қаҳрамони ҷадиди Қирғизистон - дастаи «Олой»-и шаҳри Уш рақобат мекунад.

Квотаҳо барои ширкат дар Ҷоми AFC-2014

Минтақаи «Ғарб»
Баҳрайн – 2+0
Ироқ – 2+0
Урдун – 2+0
Кувайт – 2+0
Лубнон – 2+0
Умон – 2+0
Сурия – 2+0
Тоҷикистон – 0+1
Яман – 0+1
Қирғизистон – 0+1
Фаластин – 0+1
Ҳамагӣ – 14+4

Минтақаи «Шарқ»
Ҳонконг – 2+0
Ҳиндустон – 2+0
Индонезия – 2+0
Малайзия – 2+0
Молдив – 2+0
Мянмар – 2+0
Сингапур – 2+0
Вйетнам – 2+0
Ҳамагӣ – 16+0

Шарҳҳоро бинед (18)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG