Пайвандҳои дастрасӣ

Хабари нав

Лигаи аввал: Пирӯзии мизбонон дар бозиҳои аввали нимфиналӣ


Рӯзи 11-уми ноябр бозиҳои аввали нимфиналии марҳалаи ниҳоии мусобиқоти лигаи якуми футболи Тоҷикистон баргузор шуданд.

Дастаи “Саройкамар”-и ноҳияи Панҷ дар майдони худ бар тими “Далерон-Ӯротеппа”-и шаҳри Истравашан боҳисоби 2-1 ғалаба кард. Беҳрӯз Сангинов, бозигари меҳмонон, дар дақиқаи 4-ум ҳисбро боз намуд. Баъди 4 дақиқа Хуршед Ямоқов, бозигари мизбонон, ҳисобро баробар кард. Дар нимаи дувуми бозӣ, дар дақиқаи 52-юм ҳамлагар Ҷонибек Ғафффоров голи дувум ва ҳалкунандаи “Саройкамар”-ро ба ҳадаф расонд.

Ба иттилои Владимир Домуллоҷонов, нозири ин бозӣ, ду нафар – Беҳзод Мӯсоев аз дастаи “Далерон-Ӯротеппа” ва Иброҳим Мӯҳтоҷзода аз дастаи “Саройкамар” барои корти дувуми зард аз майдон хориҷ шуданд.

Дар бозии дувум дастаи “Эсхата”-и шаҳри Хуҷанд бар тими меҳмон – “Кӯктош+С”-и ноҳияи Рӯдакӣ бо ҳисоби 1-0 ғолиб омад. Голи ягонаро Саидҷон Шарифов дар дақиқаи 5-уми бозӣ ба самар расонд. Дар ин бора ба радиои Озодӣ Аҳлиддин Юнусов, мудири шӯъбаи баргузории мусобиқоти Федератсияи футболи вилояти Суғд, хабардод.

Бозиҳои ҷавобии ин дастаҳо рӯзи шанбеи 16-уми ноябр баргузор мешаванд. Бар асоси дастури мусобиқот ду дастаи беҳтарини лигаи якум ба лигаи олӣ роҳхат мегиранд.

Бозиҳои ҷавобӣ – 16-уми ноябр (шанбе) – соати 13:30
Бозии 3-юм – “Далерон-Ӯротеппа” – “Саройкамар”
Бозии 4-ум – “Кӯктош+С” – “Эсхата”
Бозӣ барои ҷойи 3-юм – 20-уми ноябр (чоршанбе) – соати 14:00
Бозии 5-ум – мағлуби бозии 3-юм – мағлуби бозии 4-ум
Бозӣ барои ҷойи 1-ум – 20-уми ноябр (чоршанбе) – соати 14:00
Бозии 6-ум – ғолиби бозии 3-юм – ғолиби бозии 4-ум
Бозии ҷавобӣ – 24-уми ноябр (якшанбе) – соати 13:30

Шарҳҳоро бинед (12)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG