Пайвандҳои дастрасӣ

Хабари нав

Пирӯзии “Равшан” бар ССКА «Помир» бо ҳисоби 3-1


Дастаи «Равшан»-и Кӯлоб бар тими ССКА «Помир»-и Душанбе бо ҳисоби 3-1 ғалаба кард.

Ин бозии мавқуфгузоштаи даври 18-уми мусобиқоти қаҳрамонии лигаи олии футболи Тоҷикистон рӯзи 7-уми ноябр дар Варзишгоҳи марказии шаҳри Кӯлоб баргузор шуд. Голҳои «Равшан»-ро Ҳасан Рустамов дар дақиқаи 40-ум аз пеналтӣ, Соломон Течи (дақиқаи 49-ум) ва Ҳикматулло Расулов (дақиқаи 61-ум) ба ҳадаф расонданд. Як голи ССКА «Помир»-ро Рустам Толибов дар дақиқаи 72-юм зад.

Ба ин тартиб, дар ҷадвали мусобиқот “Равшан” бо 41 имтиёз дар ҷойи аввал ва “Истиқлол”-и Душанбе бо 37 имтиёз дар ҷойи дувум қарор доранд. Вале футболбозони Кӯлоб як бозӣ камтар кардаанд. Ба “Равшан” барои бори дувум ба даст овардани унвони қаҳрамони Тоҷикистон дар 3 бозии боқимонда 2 имтиёз гирифтан кофист.

Барои медалҳои биринҷӣ “Хайр”-и Ваҳдат ва “Регар-ТадАЗ”-и Турсунзода талош доранд. «Хайр» бо 32 имтиёз дар ҷои севум ва «Регар-ТадАЗ» бо 26 имтиёз дар ҷойи чорум мебошанд. Футболбозони Турсунзода як бозӣ камтар кардаанд.

Мавқеи дастаҳо дар ҷадвали мусобиқот


Ҷ Дастаҳо Б Ғ М Б Тӯбҳо И
1. «Равшан» 15 13 2 0 25-5 41
2. «Истиқлол» 16 12 1 3 43-8 37
3. «Хайр» 16 9 5 2 26-14 32
4. «Регар-ТадАЗ» 15 8 2 5 21-17 26
5. «Хуҷанд» 15 4 5 6 14-18 17
6. «Энергетик» 15 4 4 7 13-19 16
7. «Парвоз» 15 3 6 6 11-26 15
8. «Вахш» 15 3 3 9 9-16 12
9. ССКА «Помир» 15 2 4 9 10-21 10
10. «Истаравшан» 14 1 2 11 9-35 5

Нишонзанҳои беҳтарин: Ҳусейни Сӯҳробӣ (”Истиқлол” / “Хайр”) – 11 тӯб, Дилшод Восиев (“Истиқлол”) – 10 тӯб, Ҳасан Рустамов (“Равшан”) – 7 тӯб, Александр Кудряшов (“Истиқлол”) ва Мирзобек Мирзоев (“Хайр”) – 6-тӯбӣ, Ҷаҳонгир Эргашев (“Истиқлол”) – 5 тӯб.

Бозиҳои боқимондаи мусобиқоти лигаи олӣ

Даври 20-ум
8-уми ноябр (ҷумъа)
Оғози бозиҳо – соати 14.00

«ИСТАРАВШАН» - «ПАРВОЗ». Истаравшан, Варзишгоҳи марказӣ.
«ВАХШ» - «ЭНЕРГЕТИК». Қӯрғонтеппа, варзишгоҳи «Пахтакор».

10-уми ноябр (якшанбе)
Оғози бозиҳо – соати 14.00

«ХУҶАНД» - ССКА «ПОМИР». Хуҷанд, варзишгоҳи «20-солагии Истиқлолияти Тоҷикистон».
«РАВШАН» - «РЕГАР-ТАДАЗ». Кӯлоб, Варзишгоҳи марказӣ.

Даври 21-ум
13-уми ноябр (чоршанбе)
Оғози бозиҳо – соати 14.00

«ЭНЕРГЕТИК» - «РАВШАН». Душанбе, варзишгоҳи «Авиатор».
«ХАЙР» - «ВАХШ». Ваҳдат, варзишгоҳи «Хайр».
«ПАРВОЗ» - «ХУҶАНД». Бобоҷон Ғафуров, варзишгоҳи «Фурудгоҳ».
«РЕГАР-ТАДАЗ» - «ИСТАРАВШАН». Турсунзода, варзишгоҳи «Металлург».

Бозии мавқуфгузоштаи даври 15-ум
13-уми ноябр (чоршанбе)
Оғози бозӣ – соати 14.00

ССКА «ПОМИР» - «ИСТИҚЛОЛ». Душанбе, варзишгоҳи КМВА-и Вазорати мудофиаи Тоҷикистон.

Даври 22-юм
17-уми ноябр (якшанбе)
Оғози бозиҳо – соати 14.00

«ИСТАРАВШАН» - «ЭНЕРГЕТИК». Истаравшан, Варзишгоҳи марказӣ.
«РАВШАН» - «ХАЙР». Кӯлоб, Варзишгоҳи марказӣ.
ССКА «ПОМИР» - «ПАРВОЗ». Душанбе, варзишгоҳи КМВА-и Вазорати мудофиаи Тоҷикистон.
«ХУҶАНД» - «РЕГАР-ТАДАЗ». Хуҷанд, варзишгоҳи «20-солагии Истиқлолияти Тоҷикистон».
«ВАХШ» - «ИСТИҚЛОЛ». Қӯрғонтеппа, варзишгоҳи «Пахтакор».

Шарҳҳоро бинед (20)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG