Пайвандҳои дастрасӣ

Бозии Тоҷикистону Филиппин дертар баргузор мешавад


Бозии дӯстона миёни дастаҳои мунтахаби миллии футболи Тоҷикистон ва Филиппин ба муҳлати дертар гузаронида шуд.

Ба иттилои дафтари матбуоти Федератсияи футболи Тоҷикистон ин бозӣ ки мебоист рӯзи 11-уми июн дар шаҳри Хуҷанд, дар варзишгоҳи «20-солагии Истиқлолияти Тоҷикистон» баргузор мешуд, бо хоҳиши Федератсияи футболи Филиппин ба вақти дигар мононда шуд.

Мунтахаби Филиппин мебоист пас аз бозии дӯстонааш рӯзи 8-уми июн бо дастаи миллии Қирғизистон аз Бишкек ба Тоҷикистон меомад. Вале бо сабаби дигар шудани нақшаҳои мунтахаби Филиппин ин бозӣ ҳам барпо намегардад.

Ёдовар мешавем, ки рӯзи 4-уми июн соати 17 дар варзишгоҳи “Пахтакор”-и шаҳри Қӯрғонтеппа бозии дӯстона миёни тимҳои мунтахаби миллии футболи Тоҷикистон ва Афғонистон баргузор хоҳад шуд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG