Пайвандҳои дастрасӣ

Хабари нав

Рақибони дастаҳои мунтахаби наврасону ҷавонони Тоҷикистон муайян шуданд


Дар қароргоҳи Конфедератсияи футболи Осиё - Куала-Лумпур қуръакашии мусобиқаи интихобии қақрамонии Осиё байни наврасон (U-16) ва ҷавонон (U-19) баргузор шуд.

Аз рӯи қуръакашӣ дастаи мунтахаби наврасони Тоҷикистон (U-16) таҳти рахбарии мутахассиси ҷопонӣ Чикаши Сузуки ба гурӯҳи «А» шомил шуд ва бо тимҳои Кувайт, Ҳиндустон, Лубнон ва Бутан рақобат мекунад. Бозиҳои ин гурӯҳ тирамоҳи соли равон дар Ал-Кувайт барпо мегардад.

Ғолибони 10 гурӯҳ ва 5 дастаи беҳтарини ҷойҳои дувум ба марҳилаи ниҳоии мусобиқаи қаҳрамонии Осиё байни наврасон (U-16), ки соли оянда дар Тайланд баргузор мешавад, роҳхат мегиранд.

Дастаи мунтахаби ҷавонони Тоҷикистон (U-19) бо роҳбарии сармураббӣ Салоҳиддин Ғафуров дар гурӯҳи «D» бозӣ мекунад. Рақибони Тоҷикистон тимҳои Эрон, Арабистони Саудӣ ва Лубнон мебошанд. Бозиҳо дар пойтахти Эрон –Теҳрон тирамоҳи соли ҷорӣ баргузор мешаванд.

Ғолибони 9 гурӯҳ, инчунин, 6 дастаи беҳтарини ҷойҳои дувум ба сабқати ниҳоии мусобиқаи қаҳрамонии Осиё (U-19), ки моҳи октябри соли 2014 дар Мянмар барпо мегардад, роҳхат мегиранд.


Натоиҷи қуръакашии мусобиқаи қаҳрамонии Осиё байни наврасон (U-16):
Гурӯҳи«А»: Кувайт (мизбон), Ҳиндустон, Тоҷикистон, Лубнон, Бутан.
Гурӯҳи «В»: Узбакистон (мизбон), Яман, Фаластин, Молдив.
Гурӯҳи «С»: Ироқ, Баҳрайн, Непал (мизбон), Туркманистон.
Гурӯҳи «D»: Сурия, Арабистони Саудӣ, Афғонистон, Урдун (мизбон).
Гурӯҳи «Е»: Эрон, АМА, Покистон (мизбон), Шри-Ланка.
Гурӯҳи «F»: Умон, Қатар, Бангладеш, Қирғизистон (мизбон).
Гурӯҳи «G»: Австралия, Сингапур, Ҳонконг, Тайван, Макао.
Гурӯҳи «Н»: Кореяи Ҷанубӣ, Лаос (мизбон), Малайзия, Гуам, Бруней.
Гурӯҳи «I»: Чин, Кореяи Шимолӣ, Мянмар, Чазоири Мариани Шимолӣ.
Гурӯҳи «J»: Ҷопон, Индонезия, Вйетнам, Филиппин.

Натоиҷи қуръакашии мусобиқаи қаҳрамонии Осиё байни ҷавонон (U-19):
Гурӯҳи «А»: Узбакистан, Қатар (мизбон), Ҳиндустон, Туркманистан, Непал.
Гурӯҳи «В»: Урдун (мизбон), АМА, Яман, Молдив, Афғонистон.
Гурӯҳи« С»: Ироқ (мизбон), Кувайт, Покистон, Бангладеш.
Гурӯҳи «D»: Эрон (мизбон), Арабистони Саудӣ, Лубнон,Тоҷикистон.
Гурӯҳи «Е»: Сурия, Умон, Баҳрайн, Фаластин (мизбон).
Гурӯҳи «F»: Австралия, Вйетнам, Тайван, Муғулистон, Ҳонконг (мизбон).
Гурӯҳи «G»: Кореяи Чанубӣ, Индонезия (мизбон), Лаос, Гуам, Филиппин.
Гурӯҳи «Н»: Кореяи Шимолӣ, Тайланд (мизбон), Сингапур, Бруней.
Гурӯҳи «I»: Ҷопон, Чин (мизбон), Малайзия, Макао.

Шарҳҳоро бинед (2)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG