Пайвандҳои дастрасӣ

Хабари нав

Ҷоми AFC: 23 апрел - «Равшан» - “Ал Рамза”, 24 апрел - «Регар» - “Сафо”


Ин ҳафта дастаҳои футболи Тоҷикистон - “Равшан”-и Кӯлоб ва “Регар-ТадАЗ”-и Турсунзода дар бозиҳои даври панҷуми мусобиқаи гурӯҳии Ҷоми AFC- Конфедератсияи футболи Осиё-2013 ширкат хоҳанд кард.

Дастаи «Равшан», қаҳрамони Тоҷикистон, рӯзи сешанбе, 23-юми апрел дар сафар бо тими “Ал Рамза”-и Урдун рақобат мекунад. Ин бозии гурӯҳи “D” дар варзишгоҳи байналмилалии Шоҳ Абдуллоҳи Уммон соати 20 ба вақти Душанбе шурӯъ мешавад. Ёдовар мешавем, ки “Равшан” дар нахустин бозиаш рӯзи 6-уми март дар Хуҷанд аз тими “Ал Рамза” бо ҳисоби 0:1 мағлуб шуда буд.

Бозии дигари даври панҷум дар гурӯҳи “D” рӯзи сешанбе миёни дастаҳои “Ал Шорта”-и Сурия ва “Ал Қудсия”-и Кувайт барпо мегардад.

Баъди натиҷагирии бозиҳои чаҳор даври мусобиқаи интихобӣ дар гурӯҳи “D” тимҳои “Ал Шорта” ва “Ал Қудсия” бо 9-имтиёзӣ мутаносибан дар ҷойҳои якуму дувум қарор доранд. Тими “Ал Рамза” бо 6 имтиёз дар зинаи севум мебошад. Дастаи “Равшан” бидуни имтиёз (таносуби тӯбҳояш 1-9) дар зинаи охирин - 4-ум ҷойгир шудааст.

Дастаи «Регар-ТадАЗ», барандаи Ҷоми Тоҷикистон, бозии даври панҷумро рӯзи чоршанбе, 24-уми апрел дар шаҳри Хуҷанд бо тими “Сафо”-и Лубнон анҷом медиҳад. Ин бозии гурӯҳи “А” дар варзишгоҳи “20-солагии Истиқлолияти Тоҷикистон” соати 15 оғоз меёбад. Ёдовар мешавем, ки нахустин бозии дастаи “Регар-ТадАЗ” рӯзи 5-уми март дар сафар бо тими “Сафо” бо ҳисоби 1:1 анҷом ёфта буд.

Дар бозии дигари даври чорум дар гурӯҳи “А” рӯзи чоршанбе дастаи “Кувайт”-и Кувайт дар майдони худ бо тими “Ал Риффа”-и Баҳрайн рақобат мекунад.
Ҳоло дар гурӯҳи “А” дастаи “Кувайт” бо 12 имтиёз дар ҷойи аввал аст. Тими “Ал-Риффа” бо 6 имтиёз дар ҷойи дувум ва дастаи “Сафо” бо 4 имтиёз дар ҷойи севум мебошанд. Дастаи “Регар-ТадАЗ” бо як имтиёз (таносуби тӯбҳояш – 2-12) дар ҷойи охирин – 4-ум қарор дорад.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG