Пайвандҳои дастрасӣ

Хабари нав

Мусовии «Вахш» бо «Хайр» ва пирӯзии «Хуҷанд» бар «Парвоз»


Ду бозии даври дуюми мусобиқаи қаҳрамонии футболи Тоҷикистон миёни дастаҳои лигаи олӣ рӯзи шанбеи 13-уми апрел баргузор шуд.

Дастаи «Вахш»-и Қӯрғонтеппа бо сарварии сармураббӣ Салоҳиддин Ғафуров дар майдони худ - варзишгоҳи “Пахтакор” бозиро бо тими «Хайр»-и Ваҳдат бо ҳисоби 1:1 анҷом дод. Фурқат Мирҳайдаров, бозигари «Вахш», дар дақиқаи 56-ум ҳисобро боз кард. Голи ҷавобиро Идибек Ҳабибуллоев дар дақиқаи 87-ум бо сар вориди дарвозаи мизбонон намуд.

Дар бозии дигар дастаи «Хуҷанд»-и Хуҷанд таҳти раҳбарии сармураббӣ Мубин Эргашев дар майдони худ бар тими «Парвоз»-и Бобоҷон Ғафуров бо ҳисоби 1:0 ғалаба кард. Голи ягонаро ҳамлагари мизбонон Ҷомихон Муҳиддинов дар дақиқаи 3-юм ба ҳадаф расонд.

Ду бозии дигари даври дуюм рӯзи якшанбеи 14-уми апрел миёни дастаҳои «Равшан»-и Кӯлоб - «Энергетик»-и Душанбе ва «Панҷшер»-и Румӣ - «Истиқлол»-и Душанбе баргузор мешавад.

Даври 2-юм
13-уми апрел, шанбе.

«Хуҷанд» (Хуҷанд) - «Парвоз» (Бобоҷон Ғафуров) 1:0. Хуҷанд. Варзишгоҳи “20-солагии Истиқлолияти Тоҷикистон". Гол: Ҷомихон Муҳиддинов, 3.


«Вахш» (Қӯрғонтеппа) - «Хайр» (Ваҳдат) – 1:1. Қӯрғонтеппа. Варзишгоҳи “Пахтакор”. Голҳо: Фурқат Мирҳайдаров, 56 (1:0). Идибек Ҳабибуллоев, 87 (1:1).

14-уми апрел, якшанбе. Оғози бозиҳо - соати 16.00.

«Равшан» (Кӯлоб) - «Энергетик» (Душанбе). Шаҳри Кӯлоб. Варзишгоҳи марказӣ. Сардовар: Каюмарс Сулаймонов (Душанбе). Ёварони сардовар: Холмурод Зардов (Душанбе), Умед Раҳимов (Қӯрғонтеппа). Довари эҳтиётӣ: Беҳрӯз Муртазоев (Душанбе). Нозири бозӣ: Кенҷа Ҳаитов (Турсунзода).

«Панҷшер» (Румӣ) - «Истиқлол» (Душанбе). Ноҳияи Ҷалолиддини Румӣ. Варзишгоҳи марказӣ. Сардовар: Парвиз Муртазоев (Душанбе).Ёварони сардовар: Баҳром Саъдуллоев (Қӯрғонтеппа), Исматулло Муъминов (Хуросон). Довари эҳтиётӣ: Хусрави Сиддиқзод (Душанбе). Нозири бозӣ: Султон Қосимов (Душанбе).


Мавқеи дастаҳо дар ҷадвали мусобиқа

Дастаҳо Б Ғ М Б Т И
1. «Хайр» 2 1 1 0 3-1 4
2. «Истиқлол» 1 1 0 0 3-0 3
3. «Регар-ТадАЗ» 1 1 0 0 1-0 3
4. «Хуҷанд» 2 1 0 1 1-1 3
5-7. «Истаравшан» 1 0 1 0 0-0 1
5-7. ССКА «Помир» 1 0 1 0 0-0 1
5-7. «Энергетик» 1 0 1 0 0-0 1
8. «Парвоз» 2 0 1 1 0-1 1
9. «Вахш» 2 0 1 1 1-4 1
10. «Панҷшер» 1 0 0 1 0-2 0
11. «Равшан» 0 0 0 0 0-0 0

Шарҳҳоро бинед (6)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG