Пайвандҳои дастрасӣ

$15 миллион барои дармони гирифторони диабети қанд


Амрико ба маблағи беш аз 15 миллион доллар доруворӣ ва дигар таҷҳизоти заруриро ба Тоҷикистон барои ҷилавгирӣ ва дармони бемории диабети қанд кӯмак кард.

Ин кӯмаки башардӯстона бо дархости Вазорати тандурустии Тоҷикистон ва аз тариқи созмони ғайридавлатии башардӯстонаи «HOPE” ироа шуд.

Нахустин маҳмулаи кӯмаки башардӯстонаи Амрико рӯзи ҷумъаи 12-уми апрел зимни маросиме бо ҳузури Сюзан Эллиотт, сафири Амрико дар Тоҷикистон ва Саида Ҷобирова, муовини вазири тандурустии ин кишвар ба Маркази ҷумҳуриявии эндокринологии Тоҷикистон ироа гардид.

Сюзан Эллиотт, сафири ИМА дар Душанбе зимни ироа кӯмаки башардӯстона ба Маркази ҷумҳуриявии клиникии эндокринологии Тоҷикистон гуфт, кишвараш омодаи кӯмак ба манзури беҳбуди бахши тандурустии Тоҷикистон аст ва ин ҳамкориҳо муддати чанд соли оянда давом дорад.

Ба ин тартиб, ба ин марказ доруворӣ ва таҷҳизоти зарурии тиббӣ ба маблағи ҳудуди 7 миллион доллар расонида шуд, ки шомили инсуллин, глюкагон, сӯзандору ва дигар маводи лозимӣ мебошад. Ин миқдор доруворӣ барои 2500 нафар беморони диабети қанд ба муддати 1, 5 сол
хоҳад расид.

Қарор аст, бақияи ин кӯмаки ба башардӯстона аз тариқи вазорати тандурустӣ ба бемористонҳо ва марказҳои дармонӣ тақсим карда шавад.

Зимнан, тибқи иттилои масъулони беҳдоштии Тоҷикистон, теъдоди беморони диабети қанд дар ин кишвар дар ҳоли афзоиш аст ва то аввали соли ҷорӣ дар қаламрави кишвар беш аз 26 ҳазор нафар беморони диабети қанд сабт шудаанд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG