Пайвандҳои дастрасӣ

Хабари нав

Пирӯзии “Равшан” дар бозии санҷишӣ бар ”Ӯротеппа”


Tajikistan,Sugh region, a football game betwen tajik teams "Ravshan" and "Uroteppa",27February2013

Дастаи «Равшан»-и Кӯлоб, ки ба нахустин бозии даври гурӯҳии Ҷоми AFC-2013 омодагӣ мебинад, рӯзи 26-уми феврал дар шаҳри Қайроққум боз як бозии санҷишӣ анҷом дод.

Ин дафъа “Равшан”, қаҳрамони Тоҷикистон, бар дастаи «Ӯротеппа» (собиқ «Далерон»)-и шаҳри Истаравшан бо ҳисоби 3:2 ғалаба кард. Голҳои “Равшан”-ро Нуъмонҷон Ҳакимов, Течи Соломон ва Чарлз Тико ба ҳадаф расонданд.

Ёдовар мешавем, ки нахустин бозии дастаи “Равшан” дар мусобиқаи интихобии Ҷоми AFC-2013 дар гурӯҳи “D” бо тими “Ал-Рамза”, барандаи медали нуқраи мусобиқаи қаҳрамонии Урдун, 6-уми март (рӯзи чоршанбе, соати 15) дар шаҳри Хуҷанд, дар варзишгоҳи “20-солагии Истиқлолияти Тоҷикистон», баргузор мешавад.

Намояндаи дигари Тоҷикистон дар Ҷоми AFC-2013 - дастаи «Регар-ТадАЗ»-и Турсунзода, ки дар ҳамин ҳол дар Белеки Туркия тамрин мекунад, бозии охирини санҷиширо рӯзи 28-уми феврал бо дастаи «Сулземус» (Sulzemoos) аз Мюнхени Олмон анҷом медиҳад.

Ба иттилои Маҳмадҷон Ҳабибуллоев, сармураббии дастаи “Регар-ТадАЗ”, футболбозони шаҳри Турсунзода дар Туркия ба Ҷоми AFC-2013 то 2-юми март омодагӣ мебинанд. Баъдан рӯзи 3-юми март даста барои ширкат дар нахустин бозии мусобиқаи гурӯҳии Ҷоми AFC бо тими «Сафо»-и Бейрут ба Лубнон сафар хоҳад кард. Ин бозии гурӯҳи “А”рӯзи 5-уми март баргузор мешавад.

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG