Пайвандҳои дастрасӣ

Хабари нав

Бохти «Регар» ва пирӯзии «Хайр» дар бозиҳои санҷишӣ


Дастаи «Регар-ТадАЗ»-и Турсунзода, ки дар Белеки Туркия ба мусобиқаи интихобии Ҷоми AFC-2013 омодагӣ мебинад, дар бозии дувуми санҷишӣ аз тими лигаи аввали Қазоқистон - «Оқжетпес»-и Кокшетау бо ҳисоби 1:2 шикаст хӯрд.

Дар ин бозии санҷишӣ, ки рӯзи 22-юми феврал баргузор шуд, голи ягонаи «Регар-ТадАЗ»-ро ҳамлагар Комил Саидов, узви дастаи мунтахаби миллии Тоҷикистон ба самар расонд.

Ҳайати дастаи “Регар-ТадАЗ» дар ин бозӣ таҳти сарварии сармураббӣ Маҳмадҷон Ҳабибуллоев чунин буд: Фарҳод Юлдошев, Далерҷон Тухтасунов, Фаррух Чориев, Сафаралӣ Каримов, Фабритсио Фрейтас , Расул Файзов, Арий Элайҷа, Хуршед Маҳмудов, Элтон Луис, Аккуфо Гершон, Комил Саидов .

Дар ҷараёни бозӣ ҳамдастаҳояшонро иваз карданд: Акмал Сабуров, Ҷамшед Исмоилов, Шодибек Ғаффоров, Далер Шомуродов.

Дастаи «Регар-ТадАЗ» дар Туркия рӯзи 26-уми феврал бо тими премйер-лигаи Украина - «Арсенал»-и Киев бозии санҷишӣ мекунад.

Ёдовар мешавем, тими «Регар-ТадАЗ» дар Туркия дар нахустин бозии санҷишӣ аз тими дивизиони аввали Сербия - «Младеноватс» бо ҳисоби 1:3 шикаст хӯрда буд.

Дастаи “Хайр”-и Ваҳдат рӯзи 22-юми феврал дар майдони худ дар бозии санҷишӣ бар тими «Энергетик”-и Душанбе бо ҳисоби 2:1пирӯз шуд. Ду голи мизбононро бозигари нави даста Ҳусейн Сӯҳробии эронӣ ба ҳадаф расонд. Як голи меҳмононро Шавкати Ҳотам зад.

Бояд гуфт, ки бозии санҷишии “Хайр”-ро дар шаҳри Ваҳдат Худодод Азизӣ, беҳтарин футболбози Осиё-1996, собиқ ҳамлагари тими мунтахаби миллии Эрон, назора кард.

Ба иттилои Баҳриддин Мирзоев, сардори бошгоҳи футболи “Хайр”, ҳадафи сафари Худодод Азизӣ бастани шартнома бо дастаи лигаи олии Тоҷикистон - “Хайр”-и Ваҳдат мебошад ва ӯ метавонад сармураббии дастаи «Хайр» шавад.

Шарҳҳоро бинед (3)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG