Пайвандҳои дастрасӣ

Медали биринҷии муштзани тоҷик дар Қазоқистон


Ҷасур Қурбонов, варзишгари тоҷик, дар мусобиқаи байналмилалӣ оид ба бокс ба хотираи мураббии варзида Галим Ҷарилгапов дар Қазоқистон медали биринҷӣ ба даст овард.

Дар ин мусобиқа, ки дар шаҳри Қарағанда аз рӯи даҳ вазн баргузор шуд, 143 муштзан аз Қазоқистон, Қирғизистон, Муғулистон, Озарбойҷон, Русия, Тоҷикистон, Узбакистон ва Чин ширкат доштанд.

Тоҷикистонро дар ин мусобиқа варзишгарони вилояти Суғд - Ҳасан Мӯсоев (56 кг), Наврӯз Ҷафоев (75кг) и Ҷасур Қурбонов (91 кг) таҳти раҳбарии мураббӣ Баҳром Усмонов намояндагӣ карданд ва танҳо ба як муштзани тоҷик муяссар шуд, ки соҳиби медал шавад.

Ҷасур Қурбонов дар даври аввал бар рақибаш Элмур Тахтаев аз Қазоқистон ғалаба кард, вале дар қувваозмоии ниманиҳоӣ аз Василий Левит (Қазоқистон), ки баъдан ғолиби ин мусобиқа гардид, шикаст хӯрд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG