Пайвандҳои дастрасӣ

Хабари нав

Бозиҳои “Равшан” ва “Регар-ТадАЗ” дар Ҷоми АФК-2013


Рақибон ва санаи баргузории бозиҳои дастаҳои Тоҷикистон дар Ҷоми АФК-2013 муайян шуданд.

Қуръакашии сабқати гурӯҳии Ҷоми АФК-2013 дар қароргоҳи Конфедератсияи футболи Осиё, дар пойтахти Малайзия - Куала-Лумпур баргузор шуд.

Бар асоси қуръакашӣ дастаи «Равшан»-и Кӯлоб, қаҳрамони нави Тоҷикистон, дар гурӯҳи “D” бо қаҳрамони Кувайт «Ал-Қодсия», барандаи медали нуқраи мусобиқаи қаҳрамонии Урдун «Ал-Рамза» ва зӯртарин бошгоҳи Сурия «Ал-Шорта» рақобат мекунад. “Равшан” нахустин бозиашро дар Ҷоми АФК-2013 рӯзи 6-уми март дар Тоҷикистон бо тими «Ал-Рамза» анҷом медиҳад, вале бозӣ дар кадом варзишгоҳ баргузор мешавад, ҳоло маълум нест.

Дастаи «Регар-ТадАЗ»-и Турсунзода, барандаи медали нуқраи мусобиқаи қаҳрамонии Тоҷикистон ва Ҷоми кишвар дар соли 2012-ум, ба таври мустақим ба даври гурӯҳии Ҷоми АФК-2013 роҳ ёфт. Ба унвони Федератсияи футболи Тоҷикистон аз Конфедератсияи футболи Осиё номае расидааст, ки дар он гуфта мешавад, бошгоҳи “Муҳаррак”, барандаи Ҷоми Баҳрайн, аз ширкат дар даври гурӯҳии Ҷоми АФК-2013 даст кашид.

Бинобар ин “Регар-ТадАЗ”, ки дар мусобиқаи бошгоҳҳои футболи Осиё мебоист ба мубориза аз бозии интихобӣ ё плей-офф шурӯъ мекард ва бо ғолиби ҷуфти «Ал-Ваҳда» (Сурия) – "Ал-Аҳлӣ Таизз" (Яман) рақобат менамуд, ба таври мустақим ба даври гурӯҳӣ роҳ ёфт ва дар гурӯҳи «А» бозӣ мекунад. Ва ғолиби ҷуфти «Ал-Ваҳда» – "Ал-Аҳлӣ Таизз" бошгоҳи “Муҳаррак”-ро дар гурӯҳи «В» иваз менамояд.

«Регар-ТадАЗ» дар гурӯҳи «А» бо дастаҳои «Сафо» (Лубнон), «Кувайт» (Кувайт) ва «Риффа» (Баҳрайн) рақобат мекунад. “Регар-ТадАЗ” нахустин бозиашро дар Ҷоми АФК-2013 рӯзи 5-уми март дар Бейрут бо тими «Сафо» анҷом хоҳад дод.

Ҷоми АФК-2013: мусобиқаи гурӯҳӣ

Гурӯҳи «A»

Даври 1-ум
5 март (сешанбе)
«Сафо» (Лубнон) – «Регар-ТадАЗ» (Тоҷикистон )
«Риффа» (Баҳрайн) – «Кувайт» (Кувайт)

Даври 2-юм
12 март (сешанбе)

«Регар-ТадАЗ» (Тоҷикистон) – «Риффа» (Баҳрайн)
«Кувайт» (Кувайт) – «Сафо» (Лубнон)

Даври 3-юм
2 апрел (сешанбе)

«Регар-ТадАЗ» (Тоҷикистон) – «Кувайт» (Кувайт)
«Сафо» (Лубнон) – «Риффа» (Баҳрайн)

Даври 4-ум
10 апрел (чоршанбе)

«Кувайт» (Кувайт) – «Регар-ТадАЗ» (Тоҷикистон)
«Риффа» (Баҳрайн) – «Сафо» (Лубнон)

Даври 5-ум
24 апрел (чоршанбе)

«Регар-ТадАЗ» (Тоҷикистон) – «Сафо» (Лубнон)
«Кувайт» (Кувайт) - «Риффа» (Баҳрайн)

Даври 6-ум
1 май (чоршанбе)

«Сафо» (Лубнон) – «Кувайт» (Кувайт)
«Риффа» (Баҳрайн) – «Регар-ТадАЗ» (Тоҷикистон)
Гурӯҳи «D»

Даври 1-ум
6 март (чоршанбе)

«Ал-Қодсия» (Кувайт) – «Ал-Шорта» (Сурия)
«Равшан» (Тоҷикистон) – «Ал-Рамза» (Урдун)

Даври 2-юм
13 март (чоршанбе)

«Ал-Шорта» (Сурия) – «Равшан» (Тоҷикистон)
«Ал-Рамза» (Урдун) – «Ал-Қодсия» (Кувайт)

Даври 3-юм
3 апрел (чоршанбе)

«Ал-Шорта» (Сурия) – «Ал-Рамза» (Урдун)
«Ал-Қодсия» (Кувайт) – «Равшан» (Тоҷикистон)

Даври 4-ум
9 апрел (сешанбе)

«Ал-Рамза» (Урдун) – «Ал-Шорта» (Сурия)
«Равшан» (Тоҷикистон) – «Ал-Қодсия» (Кувайт)

Даври 5-ум
23 апрел (сешанбе)

«Ал-Шорта» (Сурия) – «Ал-Қодсия» (Кувайт)
«Ал-Рамза» (Урдун) – «Равшан» (Тоҷикистон)

Даври 6-ум
30 апрел (
сешанбе)
«Ал-Қодсия» (Кувайт) – «Ал-Рамза» (Урдун)
«Равшан» (Тоҷикистон) – «Ал-Шорта» (Сурия)
XS
SM
MD
LG