Пайвандҳои дастрасӣ

Хабари нав

“Равшан” ва “Регар-ТадАЗ” - дар Ҷоми АФК


Кумитаи иҷроияи Конфедератсияи футболи Осиё ширкати дастаҳои футболи Тоҷикистонро дар мусобиқаи бошгоҳҳои Осиё - Ҷоми АФК пазируфт.

Дар ин мусобиқа ғолибону ҷоизадорони мусобиқоти қаҳрамонӣ ва Ҷоми кишварҳо ширкат меварзанд.

Қаҳрамони нави Тоҷикистон – «Равшан»-и Кӯлоб ба мубориза барои Ҷоми АФК-2013 аз марҳилаи гурӯҳӣ, барандаи Ҷоми кишвар– «Регар-ТадАЗ»-и Турсунзода бошад, аз бозиҳои интихобӣ ё плей-офф шурӯъ мекунанд. Бинобар иҷозаи ширкати бошгоҳҳои футболи Тоҷикистон дар Ҷоми АФК, минбаъд дастаҳои футболи кишвар дар Ҷоми раиси АФК иштирок нахоҳанд кард.

Қуръакашии Ҷоми АФК-2013 рӯзи 6-уми декабр дар Куала-Лумпур доир хоҳад шуд. Ба «Регар-ТадАЗ» барои роҳ ёфтан ба марҳилаи гурӯҳии Ҷоми АФК-2013 танҳо ба як дастаи рақибаш пирӯз шудан кофист. Бояд гуфт, ки плей-офф аз як бозӣ иборат буда, мизбон тавассути қуръакашӣ муайян карда мешавад. «Равшан» дар мусобиқаи гурӯҳӣ ширкат меварзад.

Дар мусобиқаи гурӯҳии Ҷоми АФК-2013 ҳамагӣ 32 даста иштирок карда, ба 8 гурӯҳ (5 гурӯҳ барои Осиёи Ғарбӣ ва 3 гурӯҳ барои Осиёи Шарқӣ) чаҳордастаӣ тақсим мешаванд. Аз ҳар гурӯҳ ду дастаи беҳтарин ба даврӣ баъди ё плей-офф роҳ меёбанд.

Ҳанӯз қабл аз қуръакашӣ рақибони дастаҳои “Равшан” ва “Регар-ТадАЗ” дар Ҷоми АФК-2013 (Осиёи Ғарбӣ) эҳтимол аст ин бошгоҳҳо шаванд: «Ал-Риффа», «Ал-Муҳаррак» (ҳарду – Баҳрайн), «Демпо», «Ист Бенгал» (ҳарду – Хиндустон), «Арбил», «Духок» (ҳарду – Ироқ), «Ал-Файзалӣ», «Ал-Рамта» (ҳарду – Урдун), «Ал-Кадисия», «Ал-Кувайт» (ҳарду – Кувайт), «Сафо», «Ал-Ансор» (ҳарду – Лубнон), «Ню Радиант», «Мазия» (ҳарду – Молдив), «Фанҷа» (Умон), «Ал-Шорта», «Ал-Ваҳда» (ҳарду – Сурия), «Ал-Шааб», «Ал-Аҳлӣ Таиз» (ҳарду – Яман).

Бозиҳо дар марҳилаи гурӯҳии Ҷоми АФК-2013 аз рӯи системаи даврӣ баргузор мешавад (ҳар як даста 6 бозӣ анҷом медиҳад: 3 бозӣ дар хона ва 3 бозӣ дар сафар). Ҳарчанд қуръакашии марҳилаи гурӯҳӣ ҳоло баргузор нашудааст, вале санаи баргузории бозиҳо маълум аст: 5-6 март (даври 1-ум), 12-13 март (даври 2-юм), 2-3 апрел (даври 3-юм), 9-10 апрел (даври 4-ум), 23-24 апрел (даври 5-ум), 30 апрел - 1 май (даври 6-ум).

Шарҳҳоро бинед (13)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG