Раисиҷумҳури Афғонистон Ҳомид Карзай дирӯз дар Кобул бо фармондеҳи артиши Покистон генерал Ашфақ Парвиз Каёнӣ раванди сулҳи Афғонистонро баҳс кардааст. Ин дидор дар ҳолест, ки ҳафтае пеш Покистон 8 маҳбуси толибро раҳо кард. Каёнӣ Карзайро дар мавриди ҳимояти босароҳати Исломобод аз сулҳ дар Афғонистон итминони хотир додааст. Кобул Исломободро айбдор мекунад, ки ба раҳбарони Толибон дар хокаш паноҳ додааст, вале ҳамчунин аз ин ҳамсояаш мехоҳад, то чирикиҳоро ҳанӯз то хуруҷи нирӯҳои эътилоф дар соли 2014 пушти мизи музокироти сулҳ биорад.