Пайвандҳои дастрасӣ

Ширкати варзишгарони тоҷик дар мусобиқаи қаҳрамонии Аврупо


Имрӯз, 14-уми ноябр, дар шаҳри Санкт-Петербурги Русия аввалин мусобиқаи кушодаи қаҳрамонии Аврупо оид ба якҳарбаҳои омехта шурӯъ шуд.

Дар ин мусобиқа, ки дар Қасри варзиши “Ледовый” (“Яхӣ”) ҷараён дорад, ҳудуди 60 варзишгар аз 16 кишвар дар 7 вазн рақобат мекунанд.

Ба ҳайати дастаи мунтахаби Тоҷикистон 5 варзишгар шомиланд: Фарҳоди Саидмирзо (вазни то 65,8 кг), Камолиддин Муҳиддинов (то 70,3 кг), Лоиқ Раҷабов (то 77 кг), Муҳаммадҷон Ализода (то 84 кг) ва Эраҷ Холов (+93 кг). Танҳо дар як вазн – то 93 кг Тоҷикистон намоянда надорад.

Аз кишварҳои собиқи шӯравӣ дар ин мусобиқа ба ғайр Русияву Тоҷикистон, инчунин варзишгарони Беларус, Қазоқистон, Озарбойҷон, Узбакистон ва Украина ширкат меварзанд. Ҳамчунин дар ин мусобиқа варзишгарони Австрия, Булғористон, Кореяи Ҷанубӣ, Испания, Исроил, Словакия, Туркия ва ғайра ҳунарнамоӣ мекунанд.

Варзишгарони тоҷикро ба ин мусобиқа Фёдор Емеляненко, раиси Созмони якҳарбаҳои омехтаи размӣ ММА-и Русия, даъват намудааст. Бояд гуфт, ки дар ин мусобиқа варзишгарони ҳаваскор иштирок мекунанд ва мусобиқаи мазкур баҳри онҳо як ҷаҳишест барои дар оянда дар мусобиқоти варзишгарони ҳирфаӣ қувваозмоӣ кардан.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG