Пайвандҳои дастрасӣ

Хабари нав

Пирӯзии “Истиқлол” бар “Вахш” дар Душанбе


Бозии дастаҳои "Истиқлол"-у "Вахш"

Бозии мавқуфгузоштаи даври 18-уми мусобиқаи Лигаи олии футболи Тоҷикистон миёни дастаҳои “Истиқлол”-и Душанбе ва “Вахш”-и Қӯрғонтеппа бегоҳи 17-уми октябр поён ёфт.

Дар ин бозӣ, ки дар шаҳри Душанбе, дар Варзишгоҳи маркавзии ҷумҳуриявӣ баргузор шуд, тими мизбон - “Истиқлол” бо ҳисоби 1:0 пирӯз шуд.

Голро Дилшод Восиев, капитани дастаи "Истиқлол", дар нимаи дувуми дидор, дар дақиқаи 74-уми бозӣ ба ҳадаф расонд.

Вале ин ғалаба мавқеи дастаи “Истиқлол”-ро дар ҷадвали мусобиқа тағйир надод. “Истиқлол”, ки аз ҳама камтар – ҳамагӣ 15 бозӣ анҷом додааст, бо 33 имтиёз дар зинаи чаҳорум ҷойгир шудааст. “Истиқлол” бо рақибони аслиаш - “Регар-ТадАЗ”-и Турсунзода ва “Равшан”-и Кӯлоб барои унвони қаҳрамонӣ мубориза мебарад.


“Регар-ТадАЗ” бо 45 имтиёз дар ҷойи аввал, "Равшан" бо 44 имтиёз дар ҷойи дувум қарор доранд. Тими “Хайр”-и Ваҳдат бо 36 имтиёз дар ҷойи севум мебошад.


Мавқеи дастаҳо дар ҷадвали мусобиқа:
Ҷой Дастаҳо Б Ғ М Б Т И
1. «Регар-ТадАЗ» (Турсунзода) 18 14 3 1 52-14 45
2. «Равшан» (Кӯлоб) 18 14 2 2 30-8 44
3. «Хайр» (Ваҳдат) 17 11 3 3 31-18 36
4. «Истиқлол» (Душанбе) 15 10 3 2 34-9 33
5. «Парвоз» (Бобоҷон Ғафуров) 18 8 3 7 35-26 27
6. «Вахш» (Қӯрғонтеппа) 18 8 3 7 24-16 27
7. «Хуҷанд» (Хуҷанд) 18 7 3 8 26-29 24
8. «Энергетик» (Душанбе) 18 6 6 6 24-21 24
9. «Истаравшан» (Истаравшан) 19 6 4 9 27-35 22
10. КМВА “Помир” (Душанбе 19 5 5 9 17-23 20
11. «Ҳосилот» (Фархор) 18 4 2 12 17-37 14
12. «Гвардия» (Душанбе) 18 2 0 16 9-46 6
13. «Зарафшон» (Панҷакент) 18 1 3 14 19-63 6

Голзанҳои беҳтарин: Дилшод Восиев («Истиқлол»)-13 тӯб, Аҳтам Ҳамроқулов, Комил Саидов (ҳарду - «Регар-ТадАЗ») – 12-тӯбӣ, Шодибек Ғаффоров («Энергетик») – 10 тӯб, Асадулло Бобоҷонов, Мансур Ҳакимов (ҳарду - «Парвоз») - 9-тӯбӣ.

Бозиҳои даври 21-ум

19-уми октябр(ҷумъа)
Оғози бозӣ- соати 15:00

«Гвардия» - «Хайр»

20-уми октябр (шанбе)
Оғози бозиҳо – соати 15.00
«Энергетик» - «Равшан»
«Регар-ТадАЗ» - «Ҳосилот»

21-уми октябр (якшанбе)
ССКА «Помир» - «Зарафшон»
«Вахш» - «Хуҷанд»
«Парвоз» - «Истиқлол»

Шарҳҳоро бинед (8)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG