Пайвандҳои дастрасӣ

Хабари нав

Ҷоми Тоҷикистон-2012: Ҳоло се даста – дар нимфинал


Акс аз бойгонӣ

Бозиҳои ҷавобии 1/4-ниҳоии Ҷоми Тоҷикистон, ки рӯзи 26-уми август баргузор шуданд, се дастаи ширкаткунандаи даври ниманиҳоиро муайян карданд.

Бозиҳои ҷавобии 1/4-ниҳоии Ҷоми Тоҷикистон, ки рӯзи 26-уми август баргузор шуданд, се дастаи ширкаткунандаи даври ниманиҳоиро муайян карданд.

Дастаи "Энергетик"-и Душанбе дар варзишгоҳи "Авиатор"-и пойтахти кишвар бар тими "Хайр"-и Ваҳдат бо ҳисоби 2:1 ғолиб омад. Сафархон Мирзоев, бозигари мизбонон, дар дақиқаи 6-ум ҳисобро боз кард. Аппиа Квадво, легионери “Хайр”, дар дақиқаи 11-ум ҳисобро баробар намуд. Феликс Бафое, легионери “Энергетик”, дар дақиқаи 60-ум голи дувуми мизбононро ба ҳадаф расонд.

Ҳамин тариқ, дастаи “Энергетик”, ки дар бозии аввал низ дар меҳмонӣ бар тими “Хайр” бо ҳисоби 3:2 пирӯз шуда буд, ба нимфинал баромад.

Бозии ҷавобии чаҳорякниҳоӣ миёни дастаҳои “Истиқлол”-и Душанбе ва ССКА “Помир”-и Душанбе, ки дар Варзишгоҳи марказии пойтахти кишвар баргузор шуд, бо натиҷаи мусовӣ ва бидуни гол хотима ёфт. Азбаски дар бозии аввал “Истиқлол” бо ҳисоби 1:0 ғалаба карда буд, ба ҳаққи ширкат дар даври ниманиҳоӣ мушарраф гашт.

Вале бозии ҷавобии чаҳорякниҳоӣ миёни дастаҳои “Регар-ТадАЗ”-и Турсунзода ва “Ҳосилот”-и Фархор баргузор нашуд. Ба асоси регламент ё дастури мусобиқа дастаи меҳмон - “Ҳосилот”, ки ба бозии ҷавобӣ ҳозир нашуд, бо ҳисоби техникии 0:3 мағлуб ва ба маблағи 5 000 сомонӣ ҷарима карда шуд.

Бозии аввал миёни ин дастаҳо бо пирӯзии “Регар-ТадАЗ” бо ҳисоби 3:2 поён ёфта буд. Футболбозони шаҳри Турсунзода муборизаро барои аз даст надодани Ҷоми Тоҷикистон идома хоҳанд дод.

Ба ин тартиб, дар бозиҳои ниманиҳоӣ, ки рӯзҳои 4-ум ва 12-уми сентябр баргузор мешаванд, “Энергетик” бо “Истиқлол” ва “Регар-ТадАЗ” бо ғолиби ҷуфти “Гвардия” (Душанбе) - “Зарафшон” (Панҷакент) рақобат мекунанд. Дар воқеъ, бози ҷавобии “Зарафшон” ва “Гвардия” имрӯз, 27-уми август, соати 16:30 дар варзишгоҳи марказии шаҳри Панҷакент шурӯъ мешавад. Бозии аввал дар Душанбе бо пирӯзии “Гвардия” бо ҳисоби 1:0 ба анҷом расида буд.

Шарҳҳоро бинед (7)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG