Муовини вазири хориҷаи Амрико Роберт Блейк имрӯз бо хатми сафари Қазоқистон вориди Узбакистон мешавад ва то 18 август дар Тошканд хоҳад монд. Блейк, ки умури кишварҳои Осиёи марказиву ҷанубиро дар ихтиёр дорад, дар Алма-Ато дар як ҳамоиши махсуси масоили ҳамгироии минтақавии тоҷирон ширкат варзид. Ӯ дар Тошканд ҳайъати Амрикоро дар иҷлоси севуми мушовараҳои дуҷонибаи Амрикову Узбакистон раҳбарӣ хоҳад кард. Интизор меравад, ҳайъати Амрико бо намояндагони ҷомиаи шаҳрвандии Узбакистон низ мулоқот кунад.
Роберт Блейк имрӯз вориди Узбакистон мешавад
