Пайвандҳои дастрасӣ

Ҷоми раиси АФК: Бурдҳои олии лотерея - мошинҳои сабукрав


Дар сабқати интихобии Ҷоми раиси АФК (Конфедератсияи футболи Осиё)-2012 дар гурӯҳи «С», ки аз 5-ум то 9-уми май дар Варзишгоҳи марказии ҷумҳуриявии шаҳри Душанбе бо ширкати дастаҳои «Истиқлол»-и Тоҷикистон, «Ал-Амарӣ»-и Фаластин ва «Балкан»-и Туркманистон барпо мегардад, ду мошини сабукрави тамғаи ВАЗ-21015, се скутер (дучарха) ва техникаи маишӣ бурдҳои бозии лотерея мебошанд.

Ба иттилои маркази матбуоти Федератсияи футболи Тоҷикистон, бурдҳои олӣ - мошинҳо дар бозиҳои қаҳрамони дукаратаи Тоҷикистон “Истиқлол” бо «Ал-Амарӣ» (7-уми май) ва «Балкан» (9-уми май) ба бозии лотерея гузошта мешаванд.

Мухлисони хушиқбол, ки билеташон бурд мекунад, бо мошини нави ВАЗ-21015, инчунин, скутер (дучарха) ва техникаи маишӣ варзишгоҳро тарк мекунанд.

Барои мухлисон тамошои бозиҳо пулакист. Нархи чиптаи даромад ба варзишгоҳ 10 сомонӣ буда, он ҳамчунин билети лотерея ба шумор меравад. Мухлисон метавонанд чиптаҳоро аз кассаҳои Варзишгоҳи марказӣ ва шӯъбаҳои филиали букмекерии идораи «Формула успеха» бихаранд.

Сарпарасти кулли сабқати интихобии Ҷоми раиси АФК дар Душанбе Ширкати мобилии TCELL мебошад.

Ҷоми раиси АФК. Сабқати интихобӣ. Гурӯҳи «С»

Даври 1-ум
5-уми май (шанбе)

«Балкан» (Туркманистон) – «Ал-Амарӣ» (Фаластин)

Даври 2-юм
7-уми май (душанбе)

«Ал-Амарӣ» (Фаластин) – «Истиқлол» (Тоҷикистон)

Даври 3-юм
9-уми май (чоршанбе)


«Истиқлол» (Тоҷикистон) – «Балкан» (Туркманистон)

Ҳарсе бозӣ соати 16 ба вақти Душанбе оғоз меёбад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG