Пайвандҳои дастрасӣ

Мудири театри "Лӯхтак"-и шаҳри Душанбе гуфт, ҳунармандони театри лӯхтаки Узбакистон дар ҷашнвораи "Чодари хаёл" дар Душанбе иштирок намекунанд.

Севумин ҷашнвораи байнулмилалии театрҳои лӯхтак бо номи "Чодари хаёл", ки то 20-уми апрел дар Тоҷикистон баргузор мешавад, имрӯз (12-уми апрел) ба кори худ шурӯъ намуд.

Ин ҷашнвораи байнулмилалӣ бо ташаббуси вазорати фарҳанги Тоҷикистон ва дастгирии Оҷонси ҳамкории Швейсария дар Тоҷикистон ва шӯъбаи Бунёди Сорос доир мешавад. Дар ин ҷашнвора театрҳои лӯхтак аз Русия, Арманистон, Озарбойҷон, Белорус, Қазоқистон, Қирғизистон ва Тотористон бо барномаву намоишномаҳои махсус ширкат хоҳанд кард.

Аз Русия дар ин ҷашнвора ду театри лӯхтак аз шаҳрҳои Новосибирск ва Оренбург ва аз Тоҷикистон низ яке театри лӯхтаки шаҳри Душанбе ва дувумӣ театри лӯхтаки шаҳри Чкаловск иштирок мекунанд.

Кенҷа Иброҳимов, мудири театри "Лӯхтак"-и шаҳри Душанбе гуфт, аммо театри лӯхтаки Узбакистон, ки низ дар шумори даъватшудаҳо қарор дошт, дар ин ҷашнвора ширкат накарда ва мушкилоти иқтсодиро далел овардааст. Ба гуфтаи ҳамин манбаъ, дар хатми ин ҷашнвора "гастрол" ва ё сафари ҳунарии театрҳои лӯхтаки Қирғизистон ва шаҳри Оренбурги Русия дар Тоҷикистон шурӯъ мешавад. Театри Қирғизистон барномаҳои омодакардаи худро барои тамошичиёни Душанбе ва театри Оренбург дар шаҳри Қӯрғонтеппа ба намоиш хоҳанд гузошт.

Дар дувумин ҷашнвораи "Чодари хаёл", ки моҳи апрели соли 2010 дар пойтахти Тоҷикистон баргузор шуд, ҳунармандон аз Укроин, Белорус, Русия ва Эрон ҳам иштирок карда буданд.

Бар асоси созишномаи кишварҳои Иттиҳоди Шӯравии пешин ҷашнвораи театрҳои лӯхтаки "Чодари хаёл" дар ду сол як бор дар Душанбе - пойтахти Тоҷикистон баргузор мешавад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG