Пайвандҳои дастрасӣ

Хабари нав

Футзали Осиё. Тоҷикистон рақиби Ҷопон, Чин ва Лубнон


Дар шаҳри Дубайи Аморати Муттаҳидаи Араб (АМА) қуръакашии мусобиқаи қаҳрамонии футзали Осиё баргузор шуд.

Бар асоси қуръакашӣ, дастаи мунтахаби Тоҷикистон ба гурӯҳи “В” дохил шуд ва бо тимҳои Ҷопон, Чин ва Лубнон рақобат хоҳад кард.

Ба гурӯҳҳои дигар дастаҳои зерин шомил шуданд:

гурӯҳи «А»: АМА, Тайланд, Қирғизистон, Туркманистон.
гурӯҳи «С»: Эрон, Австралия, Қатар, Кореяи Ҷанубӣ.
гурӯҳи «D»: Узбакистон, Индонезия, Чин, Кувайт.

Дамир Камолиддинов, сармураббии дастаи мунтахаби футзали Тоҷикистон, ба “Озодӣ” гуфт, “мусобиқаи қаҳрамонии футзали Осиё аз 25-уми май то 1-уми июни соли равон дар Аморати Муттаҳидаи Араб баргузор хоҳад шуд. Мо ба ин мусобиқа бо кӯмаки молии Федератсияи футболи Тоҷикистон ҳамаҷониба омодагӣ хоҳем дид. Тамоми саъю кӯшиш ва маҳоратамонро баҳри он сафарбар мекунем, ки ба даври баъдӣ роҳ ёбем.”
XS
SM
MD
LG