Пайвандҳои дастрасӣ

Хабари нав

Оғози мусобиқаи шатранҷбозони ҷавони Душанбе


Мутрибаи Илҳом, шатранҷбози ҷавони тоҷик
Мутрибаи Илҳом, шатранҷбози ҷавони тоҷик

Мавсими нави варзиш дар Тоҷикистон 9-уми январ бо мусобиқаи қаҳрамонии шатранҷбозони ҷавони шаҳри Душанбе оғоз ёфт.

Довари ин мусобиқа Саодат Одинаева, мураббии мактаби махсуси шоҳмоти Душанбе, ба радиои Озодӣ гуфт, «дар мусобиқа шатранҷбозони синнашон аз 8 то 20-сола ширкат меварзанд, ки миёни онҳо ғолибони мусобиқаи соли гузашта, ба мисли Мутрибаи Илҳом, Сарвиноз Каримова, Юлдуз Орифова, Умар ва Эраҷ Насриддиновҳо, Аминҷон Қобилов, Синои Илҳом ва дигарон ҳастанд. Нахуст шатранҷбозони хурдсол (8-10-сола) вориди рақобат шуданд.»

Мусобиқаи қаҳрамонии шатранҷбозони ҷавони шаҳри Душанбе дар шаш гурӯҳ то рӯзи 25-уми январ идома хоҳад кард.

Ба гуфтаи Саодат Одинаева, ғолибони мусобиқаи шаҳрӣ ҳуқуқ пайдо мекунанд, дар мусобиқаи ҷумҳуриявии шатранҷбозони ҷавон, ки моҳи март дар шаҳри Душанбе баргузор мешавад, иштирок намоянд.
XS
SM
MD
LG