Пайвандҳои дастрасӣ

Пирӯзии дастаи мунтахаби ҷавонони Тоҷикистон бар Қатар


Дастаи мунтахаби ҷавонони то 19-солаи футболи Тоҷикистон дар сабқати интихобии Ҷоми Осиё дар бозии охиринаш бар тими мизбон - Қатар бо ҳисоби 3:2 пирӯз шуд.

Ин бозӣ шоми 4-уми ноябр дар варзишгоҳи “Qatar Sports Club”-и шаҳри Доҳа бо ҳузури 200 тамошогар баргузор шуд. Ду голи Тоҷикистонро Шавкати Ҳотам дар дақиқаҳои 19-ум ва 49-ум ва Фирӯз Раҳматов дар дақиқаи 83-юм ба самар расонданд.

Ду бозии дигари даври чаҳорум дар гурӯҳи “В” бо чунин натиҷаҳо ба поён расид: Баҳрайн –Урдун 0:3, Кувейт-Бутан 1:0.

Ёдовар мешавем, ки дастаи мунтахаби ҷавонони Тоҷикистон таҳти раҳбарии сармураббӣ Ораз Назаров бозии даври аввалро ба тими Баҳрайн бо ҳисоби 0:4 бохта, дар даври дуввум бар мунтахаби Бутан бо ҳисоби 6:0 пирӯз шуда буд.

Дар бозии даври саввум футболбозони ҷавони тоҷик аз дастаи Кувайт бо ҳисоби 0:1 ва дар даври чаҳорум аз тими Урдун бо ҳисоби 1:4 мағлуб шуда буданд. Дастаи мунтахаби Тоҷикистон, ки бо 6 имтиёз дар ҷои панҷум қарор гирифт, аз роҳхат ба сабқати ниҳоӣ маҳрум гашт. Дастаҳои Урдун ва Қатар, ки бо 10 имтиёзӣ дар гурӯҳи "В" мутаносибан ҷойҳои якуму дуввумро соҳиб шуданд, ба сабқати ниҳоӣ роҳ ёфтанд.

Дар сабқати интихобии Ҷоми Осиё 42 даста дар 7 гурӯҳ рақобат мекунад. Бар асоси низомномаи мусобиқот аз ҳар гурӯҳ ду дастаи беҳтарин ба сабқати ниҳоӣ роҳ меёбад. Ҳамчунин ду дастаи беҳтарини ҷойҳои саввум аз минтақаҳои “Ғарб” ва “Шарқ” ба марҳилаи ниҳоӣ роҳхат мегирад.

Ба ин тартиб дар сабқати ниҳоӣ соли оянда 16 даста барои дарёфти унвони қаҳрамони Осиё миёни ҷавонони то 19-сола талош хоҳад кард.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG