Бозии ду дастаи шаҳри Душанбе – “Энергетик” ва ССКА “Помир” дар варзишгоҳи “Автомобилист” - и пойтахти кишвар бо пирӯзии мизбонон бо ҳисоби 2:0 анҷом пазируфт.
Шодибек Ғаффоров дар нимаи аввали дидор ҳисобро боз кард. Голи дуввуми “Энергетик”-ро Габриел Донто, легионери африқоӣ, дар нимаи дуввум ба самар расонд. Бозии аввали ин дастаҳо дар майдони ССКА “Помир” бо ҳисоби 0:0 хотима ёфта буд.
Бозии дигари чаҳорякниҳоӣ дар варзишгоҳи “Хайр”-и шаҳри Ваҳдат миёни дастаи мизбон - “Хайр” ва “Вахш” -и Қӯрғонтеппа бо ҳисоби 2:2 анҷом ёфт. Голҳоро Рустам Хоҷаев ва Мирзобек Мирзоев (ҳарду - “Хайр”) ва Комрони Мирзохон ва Умедҷон Шарифов (ҳарду - “Вахш”) заданд.
Бозии аввали ин дастаҳо дар шаҳри Қӯрғонтеппа бо ҳисоби мусовии 1:1 ба охир расида буд. Бо назардошти он ки қӯрғонтеппагиҳо дар меҳмонӣ нисбат ба рақибонашон як гол бештар задаанд, онҳо ғолиб дониста шуданд.
Ба ин тартиб дар даври ниманиҳоӣ «Истиқлол»-и Душанбе бо “Энергетик”-и Душанбе ва“Регар-ТадАЗ”-и Турсунзода бо “Вахш”-и Қӯрғонтеппа рақобат хоҳанд кард.
Федератсиюни футболи Тоҷикистон ба иллати омодагӣ ва ширкати бозигарони дастаҳои “Истиқлол” ва “Регар-ТадАЗ” дар ҳайати дастаи мунтахаби кишвар дар бозии сабқати интихобии Ҷоми ҷаҳонии футбол бо тими миллии Ҷопон бозиҳои ниманиҳоии Ҷоми Тоҷикистонро ба мӯҳлати дертар гузоштааст.
Шодибек Ғаффоров дар нимаи аввали дидор ҳисобро боз кард. Голи дуввуми “Энергетик”-ро Габриел Донто, легионери африқоӣ, дар нимаи дуввум ба самар расонд. Бозии аввали ин дастаҳо дар майдони ССКА “Помир” бо ҳисоби 0:0 хотима ёфта буд.
Бозии дигари чаҳорякниҳоӣ дар варзишгоҳи “Хайр”-и шаҳри Ваҳдат миёни дастаи мизбон - “Хайр” ва “Вахш” -и Қӯрғонтеппа бо ҳисоби 2:2 анҷом ёфт. Голҳоро Рустам Хоҷаев ва Мирзобек Мирзоев (ҳарду - “Хайр”) ва Комрони Мирзохон ва Умедҷон Шарифов (ҳарду - “Вахш”) заданд.
Бозии аввали ин дастаҳо дар шаҳри Қӯрғонтеппа бо ҳисоби мусовии 1:1 ба охир расида буд. Бо назардошти он ки қӯрғонтеппагиҳо дар меҳмонӣ нисбат ба рақибонашон як гол бештар задаанд, онҳо ғолиб дониста шуданд.
Ба ин тартиб дар даври ниманиҳоӣ «Истиқлол»-и Душанбе бо “Энергетик”-и Душанбе ва“Регар-ТадАЗ”-и Турсунзода бо “Вахш”-и Қӯрғонтеппа рақобат хоҳанд кард.
Федератсиюни футболи Тоҷикистон ба иллати омодагӣ ва ширкати бозигарони дастаҳои “Истиқлол” ва “Регар-ТадАЗ” дар ҳайати дастаи мунтахаби кишвар дар бозии сабқати интихобии Ҷоми ҷаҳонии футбол бо тими миллии Ҷопон бозиҳои ниманиҳоии Ҷоми Тоҷикистонро ба мӯҳлати дертар гузоштааст.
