Дастаи мунтахаби футзали Тоҷикистон ба Туркманистон меравад

Мунтахаби Тоҷикистон дар сабқати интихобӣ дар гурӯҳи “А” бо дастаҳои миллии футзали Қирғизистон, Туркманистон ва Ҷазоири Молдив рақобат хоҳад кард. Бозиҳои ин гурӯҳ аз 25-ум то 27-уми ноябри соли 2011-ум дар Туркманистон барпо мегарданд.

Бо тасмими кумитаи футзали Конфедератсиюни футболи Осиё дар сабқати ниҳоӣ ба ғайр аз дастаи мизбон – Аморати Муттаҳидаи Араб, барандагони ҷавоизи мусобиқоти қаҳрамонии Осиё дар соли 2010-ум – Эрон, Узбакистон ва Ҷопон, ҳамчунин, аз ҳар гурӯҳ се дастаи беҳтарин, ҳамагӣ 16 даста, ширкат хоҳанд кард.