Пайвандҳои дастрасӣ

Ду муштзани тоҷик - дар сабқати ниманиҳоии бокси Осиё


Дар мусобиқаи қаҳрамонии бокси Осиё, ки дар шаҳри Инчони Куриёи Ҷанубӣ ҷараён дорад, ду муштзани тоҷик - Анвар Юнусов ва Мададӣ Нағзибеков ба даври ниманиҳоӣ роҳ ёфтанд.

Анвар Юнусов дар рақобатҳо дар вазни то 56 кг баъди пирӯзӣ бар Мадӣ Шулакови қазоқистонӣ аз рӯи холҳо бо ҳисоби 22:12 ба нимфинал баромад.

Мададӣ Нағзибеков бошад, дар вазни то 60 кг бар Ҷай Бҳагвани ҳиндустонӣ бо ҳисоби 26:16 дастболо шуд ва ба сабқати ниманиҳоӣ роҳхат гирифт.

Ҳамин тариқ, ба ғайр аз Тоҷикистон, боз муштзанҳои 14 кишвари қора ба ҳаққи ширкат дар сабқати ниманиҳоӣ мушарраф шудаанд. Аз ҳама бештар – 6 нафар аз Чин ва 5 нафар аз Қазоқистон ба нимфинал баромадаанд.

Инчунин чаҳорнафарӣ аз Кореяи Ҷанубӣ, Муғулистон, Узбакистон ва Ҳиндустон, се нафар аз Ҳиндустон, дунафарӣ аз Тоҷикистон, Урдун, Тайван, Қирғизистон ва Эрон, якнафарӣ аз Ироқ, Филиппин, Сурия ва Туркманистон муборизаро барои унвони қаҳрамонӣ идома медиҳанд.

Қаҳрамонҳои ҷадиди бокси Осиё рӯзи 12-уми август маълум хоҳанд шуд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG