Пайвандҳои дастрасӣ

Пирӯзии “Истиқлол” ва “Регар” дар бозиҳои мавқуфмонда


Шоми сешанбеи 12-уми июл ду бозии мавқуфмондаи сабқати Лигаи олии футболи Тоҷикистон бо пирӯзии дастаҳои пешсафи ҷадвали мусобиқот поён ёфт.

Дастаи “Истиқлол”-и Душанбе бар тими “Хайр”-и Ваҳдат бо ҳисоби 1:0 ғалаба кард. Ин бозии мавқуфмондаи даври 8-ум бо розигии ҳарду даста ва тасмими Федератсияи футболи Тоҷикистон дар варзишгоҳи “Авиатор”-и пойтахти кишвар баргузор шуд ва «Хайр» мизбон буд.

Голи ҳалкунандаро дар ин бозӣ Дилшод Восиев дар дақиқаи 86-ум ба самар расонд. Бояд гуфт, ки Қурбоналӣ Собиров, бозигари "Хайр", барои ду корти зард дар дақиқаи 39-ум аз майдон хориҷ шуд ва то анҷоми бозӣ дастаи "Хайр" аз даҳ нафар иборат буд.

Дастаи “Регар-ТадАЗ”-и Турсунзода дар майдони худ, варзишгоҳи “Металлург”, дар бозии мавқуфмондаи даври 14-ум бо тими “Вахш”-и Қӯрғонтеппа қувваозмоӣ кард. Ин бозӣ бо пирӯзии мизбонон бо ҳисоби 4:1 ба анҷом расид.

Ҳамаи голҳо дар нимаи аввали бозӣ зада шуд. Баҳодур Шарипов, бозигари “Регар-ТадАЗ” ду гол, Аскар Равшанов ва Фаррух Чориев якголӣ заданд.

Голи “Вахш”-ро дар дақиқаҳои охири нимаи аввали бозӣ Аҳтам Ҳамроқулов вориди дарвозаи мизбонон кард.

Дастаи “Истиқлол” пас аз ғалабаи 15-уми худ бо 46 имтиёз мавқеашро дар садри ҷадвали мусобиқот боз ҳам устувор кард. Тими “Регар-ТадАЗ” бо 42 имтиёз ба ҷойи дуввум баромад, вале нисбат ба дастаи “Равшан”-и Кӯлоб, ки 41 имтиёз дорад, як бозӣ зиёд кардааст.

Дар сабқати нишонзанҳои беҳтарин Мирзобек Мирзоев (“Хайр”) ва Юсуф Рабиев (“Истиқлол”) бо 12-голӣ пешсафанд. Фозил Сатторов ("Равшан"), Фарҳод Тоҳиров ("Истиқлол") ва Мансур Ҳакимов ("Парвоз")11-голӣ задаанд.

Мавқеи дастаҳо дар ҷадвали мусобиқа

Ҷой Дастаҳо Б Ғ М Б Т И

1.

"Истиқлол"

18

15

1

2

44-11

46

2.

"Регар-ТадАЗ"

19

13

3

3

43-17

42

3.

авшан"

18

13

2

3

33-11

41

4.

"Хайр"

19

10

3

6

31-18

33

5.

"Энергетик"

20

9

2

9

30-34

29

6.

ССКА “Помир”

19

8

1

10

31-37

25

7.

"Хуҷанд"

19

7

4

8

25-28

25

8.

арвоз"

20

6

3

11

22-39

21

9.

“Вахш”

19

6

1

12

18-25

19

10.

Шодмон”

20

4

2

14

22-45

14

11.

вардия"

19

2

2

15

14-48

8

Бозии мавқуфмондаи даври 19-ум:

16-уми июл (шанбе)

“Хайр” - “Равшан” (варзишгоҳи "Хайр"-и Ваҳдат)

Бозӣ соати 17:30 шурӯъ мешавад.


Эзоҳ: Бо тасмими Федератсияи футболи Тоҷикистон натиҷаи бозии ССКА- “Помир” – “Хайр” бекор шуд ва дастаи “Хайр” бо ҳисоби фаннии 3:0 ғолиб дониста шуд. Зеро дар ҳайъати дастаи ССКА-”ПОМИР” дар ин бозӣ Фурӯғ Қодиров, ки ҳашт корти зард гирифтааст ва мебоист дар як бозӣ ширкат намеварзид, иштирок намудааст.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG