Пайвандҳои дастрасӣ

Хабари нав

Аввалин бохти “Ҳосилот” дар сабқати Лигаи якум


Дар даври 11-уми сабқати Лигаи аввали футболи Тоҷикистон ду бозӣ бо ғалабаи меҳмонон анҷом ёфт ва чаҳор бозӣ мусовӣ шуд.

Бозиҳо бо чунин натиҷаҳо ба охир расиданд: «Рашт» - «Вахши зарнисор» - 1:3, «Ҷавонон» - «Пахтакор» - 2:2, «Данғара» - «Румӣ» -2:2, «Саройкамар» - «Ситора» - 0:0, «Кӯктош» - «Ҳулбук» - 1:1, «Ҳосилот» - «Сабо» - 0:1.

Ба иттилои Шавкат Аҳмадов, сардори шӯъбаи Федератсияи футболи Тоҷикистон, дастаи «Вишгард»-и ноҳияи Файзобод барои дар се бозӣ ширкат накардан аз мусобиқа хориҷ гашт ва натоиҷи бозиҳои ин даста бо рақибонаш аз эътибор соқит шуд.

“Ҳосилот”-и Фархор, ки дар даври гузашта аввалин бор шикаст хӯрд, бо 23 имтиёз дар садри ҷадвали мусобиқа қарор дорад. “Зарафшон”-и Панҷакент ва “Ҳулбук”-и Восеъ бо 20-имтиёзӣ мутаносибан дар зинаҳои дуввуму севум ҷойгир шудаанд.

Дар сабқати нишонзанҳои беҳтарин Сайидамир Мирзоев (“Ҳулбук”) ва Абдуҳалим Боронов (“Румӣ”) бо 9-голӣ пешсафанд. Аслиддин Ҷабборов (“Пахтакор”) бо 8 гол дар ҷойи севум аст.

Мавқеи дастаҳо дар ҷадвали мусобиқа

Ҷой Дастаҳо Б Ғ М Б Т И
1. «Ҳосилот” (Фархор) 10 7 2 1 16-5 23
2. «Зарафшон» (Панҷакент) 9 6 2 1 18-10 20
3. «Ҳулбук” (Восеъ) 11 5 5 1 23-11 20
4. «Саройкамар» (Панҷ) 9 5 3 1 16-7 18
5. «Сабо» (Шаҳринав) 9 5 2 2 19-9 17
6. «Пахтакор” (Қубодиён) 9 4 3 2 19-13 15
7. «Ситора» (Рӯдакӣ) 10 4 3 3 13-8 15
8. «Данғара» (Данғара) 9 3 3 3 11-9 12
9. «Вахши зарнисор» (Вахш) 9 3 3 3 16-17 12
10. “Кӯктош” (Рӯдакӣ) 9 2 2 5 9-15 8
11. “Локомотив” (Душанбе) 10 2 2 6 5-17 8
12. “Румӣ” (Румӣ) 8 2 1 5 15-16 7
13. “Ҷавонон” (Турсунзода) 8 1 1 6 6-22 4
14. “Рашт” (Рашт) 9 0 0 9 1-27 0

Бозиҳои даври 13-ум

10-уми июл (якшанбе)
«Ҳулбук» - «Ҳосилот»
«Ситора» - «Кӯктош»
«Румӣ» - «Саройкамар»
«Пахтакор» - «Данғара»
«Вахши зарнисор» - «Ҷавонон»
«Зарафшон» - «Рашт»

Бозиҳо соати 17.30 шурӯъ мешаванд.

Шарҳҳоро бинед (26)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG