Пайвандҳои дастрасӣ

Хабари нав

Натоиҷи се бозии даври 19-уми сабқати Лигаи олӣ


Cе бозии даври 19-уми мусобиқоти қаҳрамонии футболи Тоҷикистон миёни дастаҳои Лигаи олӣ баргузор шуд.

Дар ду бозӣ мизбонон ва дар як бозӣ меҳмонон ғолиб омаданд.
Дастаи “Истиқлол”-и Душанбе дар варзишгоҳи “Авиатор”-и пойтахти кишвар бар тими “Парвоз”-и ноҳияи Бобоҷон Ғафуров бо ҳисоби 1:0 ғалаба кард. Голро Маҳмадалӣ Содиқов дар нимаи аввали дидор (дар дақиқаи 11-ум) ба ҳадаф расонд.

Дар бозии дигар дастаи “Хуҷанд”-и Хуҷанд дар меҳмонӣ бар тими “Шодмон”-и Ҳисор бо ҳисоби 3:0 пирӯз гашт. Ҳарсе гол дар нимаи дуввуми дидор зада шуд. Денис Сенчук, легионери “Хуҷанд”, дар дақиқаи 74-ум ҳисобро боз кард. Баъди 10 дақиқа Баҳодур Муродов ҳисобро афзун намуд. Голи севумро Ҷаҳонгир Эргашев дар дақиқаи 90-ум зад.

Воқеъан, пеш аз ин бозӣ сармураббии “Шодмон” Рустам Қурбонов ва ёвари ӯ Ҳикмат Фузайлов барои натиҷаҳои ғайриқаноатбахш аз вазифаашон сабукдӯш шуда буданд. Дар бозӣ бо “Хуҷанд” иҷрокунандаи вазифаи сармураббии дастаи “Шодмон” Фаррух Севинов буд.
Бозии севуми даври 19-ум, ки бегоҳи 27-уми июн дар варзишгоҳи “Металлург”-и шаҳри Турсунзода миёни дастаҳои “Регар-ТадАЗ” ва “Гвардия”-и Душанбе баргузор шуд, бо пирӯзии мизбонон бо ҳисоби 4:0 хотима ёфт. Фаррух Чориев ду гол, Баҳодур Шарифов ва Нӯъмонҷон Ҳакимов якголӣ заданд.

Ёдовар мешавем, ки бо тасмими Федератсияи футболи Тоҷикистон ду бозии даври 19-уми сабқати Лигаи олии кишвар миёни дастаҳои “Хайр”-и Ваҳдат - “Равшан”-и Кӯлоб ва ССКА “Помир”-и Душанбе - “Вахш”-и Қӯрғонтеппа аз 26-уми июн ба мӯҳлати дертар гузошта шуд.
Ғалабаи 12-ум ба “Истиқлол” имкон дод, ки бо 37 имтиёз дар ҷадвали мусобиқа ба ҷойи аввал барояд. «Равшан» бо 35 имтиёз дар ҷои дуввум аст. «Регар-ТадАЗ» бо 30 имтиёз дар ҷои севум қарор дорад.
Дар сабқати нишонзанҳои беҳтарин Мирзобек Мирзоев (“Хайр”) бо 11 гол дар ҷойи аввал мебошад. Юсуф Рабиев (“Истиқлол”) ва Фозил Сатторов (“Равшан”) 10-голӣ задаанд.

Мавқеи дастаҳо дар ҷадвали мусобиқа:

Ҷой Дастаҳо Б Ғ М Б Т И

1.

"Истиқлол"

14

12

1

1

31-7

37

2.

"Равшан"

16

11

2

3

31-11

35

3.

"Регар-ТадАЗ"

15

9

3

3

31-14

30

4.

"Хайр"

15

9

2

4

27-15

29

5.

"Энергетик"

17

8

2

7

24-23

26

6.

"Хуҷанд"

16

6

4

6

19-21

22

7.

"Вахш"

16

6

1

9

17-19

19

8.

ССКА “Помир”

16

6

1

9

24-29

19

9.

арвоз"

17

5

2

10

18-35

17

10.

Шодмон”

17

4

2

11

19-33

14

11.

вардия"

17

1

2

14

13-47

5



Даври 20-ум
30 июн (панҷшанбе)

«Энергетик» - «Шодмон»
«Хуҷанд» - ССКА «Помир»
1 июл (ҷумъа)
«Регар-ТадАЗ» - «Истиқлол»
«Парвоз» - «Хайр»
«Гвардия» - «Вахш»
Бозиҳо соати 17.30 шурӯъ мешаванд.

Шарҳҳоро бинед (16)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG