Пайвандҳои дастрасӣ

Танҳо медали биринҷии Анвар Юнусов дар Боку


Анвар Юнусов

Дастаи мунтахаби бокси Тоҷикистон аз мусобиқаи байналмилалии “Роҳи бузурги абрешим” бо як медали биринҷӣ баргашт.

Мирзо Шамсиев, мураббии дастаи Тоҷикистон, ба радиои Озодӣ гуфт, дар ин мусобиқаи анъанавӣ, ки барои бори 21-ум дар пойтахти Озарбойҷон баргузор шуд, ба ҷуз аз мизбонон муштзанҳои Гурҷистон, Русия, Қазоқистон, Тоҷикистон, Туркия, Узбакистон ва Эрон иштирок кардаанд.

Намояндагони дигари Тоҷикистон Фурқатҷони Одилхон, Суннатулло Ҷабборов ва Ҷаҳон Қурбонов дар даври муқаддамотӣ аз рақибонашон шикаст хӯрданд...


Дастаҳои Қазоқистон, Озарбойҷон ва Русия ҳар кадом се медали тилло гирифтанд. Як нишони тилло насиби намояндаи Туркия гардид.

Аз чаҳор варзишгари тоҷик танҳо Анвар Юнусов дар вазни то 56 килограмм мақоми саввумро касб кард ва бо медали биринҷӣ сарфароз шуд. Вай дар даври аввал бар рақибаш Мирад Гуркадзеи гурҷӣ аз рӯи имтиёз бо ҳисоби 4:0 пирӯз шуд, вале дар нимфинал аз Раҳим Наҷафови озарбойҷонӣ бо ҳисоби 3:5 мағлуб гашт.

Намояндагони дигари Тоҷикистон Фурқатҷони Одилхон (то 60 кг), Суннатулло Ҷабборов (то 81 кг) ва Ҷаҳон Қурбонов (то 91 кг) дар даври муқаддамотӣ аз рақибонашон шикаст хӯрданд.

Ғолибони мусобиқа:

49 кг – Фарҳод Паҳлавон (Туркия)
52 кг – Турал Аҳмадов (Озарбойҷон)
56 кг – Мадӣ Шулаков (Қазоқистон)
60 кг – Ғанӣ Жаляулов (Қазоқистон)
64 кг – Анор Ҷаъфаров (Озарбойҷон)
69 кг – Бахитҷон Кожабеков (Қазоқистон)
75 кг – Дмитрий Бивол (Русия)
81 кг – Ватан Ҳусейнлӣ (Озарбойҷон)
91 кг – Артур Бетербиев (Русия)
+ 91 кг – Магомед Умаров (Русия)

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG