Пайвандҳои дастрасӣ

Хабари нав

Ҷопон ва Австралия – дар финали Ҷоми Осиё


Тимҳои миллии футболи Ҷопон ва Австралия ба бозии ниҳоии Ҷоми Осиё-2011, ки дар Қатар ҷараён дорад, роҳ ёфтанд.

25-уми январ бозиҳои ниманиҳоӣ баргузор шуданд. Нахуст мунтахаби Ҷопон дар варзишгоҳи Ал-Ғарафаи шаҳри Доҳа бо тими Кореяи Ҷанубӣ рақобат кард.

Замони асосии ин дидор бо ҳисоби 1:1 хотима ёфт. Дар замони изофӣ низ дастаҳо якголӣ ба самар расонданд ва ҳисоб 2:2 шуд. Тақдири роҳхат ба бозии ниҳоиро силсилаи зарбаҳои 11-метра ҳал намуд. Ҷопон аз рӯи пенолти бо ҳисоби 3:0 пирӯз шуд ва ба финал баромад.

Бозии дигари ниманиҳоӣ шаби сешанбе, 25-уми январ, дар варзишгоҳи Халифаи Доҳа барпо гардид. Мунтахаби Австралия тими Узбакистонро бо ҳисоби бузурги 6:0 шикаст дод. Австралиягиҳо дар нимаи аввали дидор ду гол ва дар нимаи дуввум чаҳор гол заданд.

Ба ин тартиб тимҳои Кореяи Ҷанубӣ ва Узбакистон, ки дар 1/2 финал шикаст хӯрданд, 28-уми январ дар варзишгоҳи Ал-Садди Доҳа байни худ барои ҷои саввум талош мекунанд.

Дастаҳои Ҷопон ва Австралия бошанд, 29-уми январ дар варзишгоҳи Халифаи пойтахти Қатар дар бозии ниҳоӣ барои ба даст овардани Ҷоми Осиё мубориза хоҳанд бурд.

Шарҳҳоро бинед (8)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG