Пайвандҳои дастрасӣ

Хабари нав

Ҷоми Иттиҳод-2011: Бохти «Истиқлол» дар ¼ финал


Дастаи «Истиқлол»-и Душанбе, ки дар бозии чаҳорякниҳоии мусобиқоти байналмилалии Ҷоми Иттиҳод-2011 дар шаҳри Санкт-Петербурги Русия аз тими «Сконто»-и Латвия бо ҳисоби 0:2 шикаст хӯрд, аз ҳаққи ширкат дар даври ниманиҳоӣ маҳрум шуд.

Бозии қаҳрамонони Латвия ва Тоҷикистон 19-уми январ дар Маҷмаи варзишиву фарҳангии «Петербург» бо ҳузури 1000 тамошобин сурат гирифт. Голҳоро Смирновс (дақиқаи 19-ум) ва Жуниор (дақиқаи 89-ум, аз ҷаримаи 11-метра) ба самар расонданд.

Ҳайатҳои дастаҳо дар ин дидор чунин буд:

«Сконто»: Икстенс, Качановс, Роде, Смирновс, Дубра, Фертовс, Тарасовс, Петерсонс (Мингазов, 55), Разулис (Колесниченко, 72), Жуниор, Перейра (Максименко, 64).

«Истиқлол»: Юлдошев, Раҷабов, Эргашев, Сувонқулов, Ҳабибуллоев, Абрамов (Ҷалилов, 51), Содиқов, Рабимов, Сабуров (Фатҳуллоев, 68), Саидов, Тоҳиров.

Огоҳӣ гирифтанд: Саидов, 21. Ҳабибуллоев, 61. Фатҳуллоев, 75. Дубра, 90.
Аз бозӣ ихроҷ шуд: Ҳабибуллоев, 69.
Доварон: Петтай, Демешко, Веретешкин.

Натоиҷи бозиҳои дигари чаҳорякниҳоӣ чунин аст:
«ИНТЕР» (Озарбойҷон) – «МИКА» (Арманистон) – 4-0
ХИК (Финляндия) – «ЗЕНИТ» (Русия) – 1-2
«ШАХТЁР» (Беларус) – «ДИНАМО» К (Укроин) – 2-1

Ба ин тартиб дар даври ниманиҳоии Ҷоми Иттиҳоди Давлатҳои Мустақил ва Балтик, ки 21-уми январ баргузор мешавад, «Интер» бо «Зенит» ва «Сконто» бо «Шахтёр» рақобат мекунанд.

Барандаи Ҷоми Иттиҳод-2011 дар бозии ниҳоӣ рӯзи 23-юми январ муайян хоҳад шуд.

Шарҳҳоро бинед (6)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG